Qazaqstandyqtar alkogol ónimderin kóbirek qoldanatyn bolǵan, - dep habarlaidy kaz.tengrinews.kz tilshisi Energyprom.kz agenttigine silteme jasap.
Sarapshylardyń málimetinshe, ishki naryqta birinshi jartyjyldyqta alkogol ishimdikterdiń satylymy ósken. "Koniak baǵasy bir jyl ishinde 56,1 paiyzǵa, sharap 17,9 paiyzǵa, syra 13,1 paiyzǵa ósti. Al alkogolsiz ishimdikterdiń baǵasy 6,6 paiyzǵa ǵana ósti", - dedi sarapshylar.
Sondai-aq, spirttik ishimdikterdiń ishinde koniak óndirisiniń bir jylda birden 67,5 paiyzǵa - 5,48 million litrǵa deiin óskeni aitylady. Liker óndirisi de bir jylda 46,6 paiyzǵa - bir jylda 1,54 million litrǵa jetken. Al araq ónimderi, kerisinshe, 8,1 paiyzǵa azaiǵan.
Sarapshylardyń aitýynsha, orta deńgeidegi alkogol ónimderinde de ósim baiqalady. Sharap óndirisi bir jylǵa 14,1 paiyzǵa - 18,11 million litrǵa, syra 12,3 paiyzǵa - 335,55 million dollarǵa jetken.
Sonymen qatar, agenttik ókilderi Qazaqstanda alkogol ónimderiniń qymbattaǵanyn aityp ótti. Olardyń aitýynsha, araqtyń baǵasy Astanada litr úshin 3050 teńgege jetken.
