قازاقستاندىقتار الكوگول ٶنٸمدەرٸن كٶبٸرەك قولداناتىن بولعان, - دەپ حابارلايدى kaz.tengrinews.kz تٸلشٸسٸ Energyprom.kz اگەنتتٸگٸنە سٸلتەمە جاساپ.
ساراپشىلاردىڭ مەلٸمەتٸنشە, ٸشكٸ نارىقتا بٸرٸنشٸ جارتىجىلدىقتا الكوگول ٸشٸمدٸكتەردٸڭ ساتىلىمى ٶسكەن. "كونياك باعاسى بٸر جىل ٸشٸندە 56,1 پايىزعا, شاراپ 17,9 پايىزعا, سىرا 13,1 پايىزعا ٶستٸ. ال الكوگولسٸز ٸشٸمدٸكتەردٸڭ باعاسى 6,6 پايىزعا عانا ٶستٸ", - دەدٸ ساراپشىلار.
سونداي-اق, سپيرتتٸك ٸشٸمدٸكتەردٸڭ ٸشٸندە كونياك ٶندٸرٸسٸنٸڭ بٸر جىلدا بٸردەن 67,5 پايىزعا - 5,48 ميلليون ليترعا دەيٸن ٶسكەنٸ ايتىلادى. ليكەر ٶندٸرٸسٸ دە بٸر جىلدا 46,6 پايىزعا - بٸر جىلدا 1,54 ميلليون ليترعا جەتكەن. ال اراق ٶنٸمدەرٸ, كەرٸسٸنشە, 8,1 پايىزعا ازايعان.
ساراپشىلاردىڭ ايتۋىنشا, ورتا دەڭگەيدەگٸ الكوگول ٶنٸمدەرٸندە دە ٶسٸم بايقالادى. شاراپ ٶندٸرٸسٸ بٸر جىلعا 14,1 پايىزعا - 18,11 ميلليون ليترعا, سىرا 12,3 پايىزعا - 335,55 ميلليون دوللارعا جەتكەن.
سونىمەن قاتار, اگەنتتٸك ٶكٸلدەرٸ قازاقستاندا الكوگول ٶنٸمدەرٸنٸڭ قىمباتتاعانىن ايتىپ ٶتتٸ. ولاردىڭ ايتۋىنشا, اراقتىڭ باعاسى استانادا ليتر ٷشٸن 3050 تەڭگەگە جەتكەن.
