El turǵyndary 2020 jyly ekinshi deńgeili bankterden jáne banktik emes aiyrbastaý pýnkterinen jalpy salmaǵy 890 keli, 21 099 altyn quima satyp aldy, dep habarlaidy "Ult aqparat".
Qazirgi ýaqytta altyn quimalardy Halyk Bank-te, Eýraziialyq Bankte, Jýsan Bank pen Bank TsentrKreditte, sondai-aq keibir banktik emes aiyrbastaý oryndarynda satyp alýǵa nemese satýǵa bolady.
2020 jyly el azamattary ekinshi deńgeili bankterden jáne banktik emes jeke aiyrbastaý pýnktterinen jalpy salmaǵy 890 keli bolatyn 21 099 ólshengen quimalardy satyp aldy. Osylaisha, 2019 jylmen salystyrǵanda ósim 34%-ǵa jetti.
Ulttyq banktiń málimetinshe, 2017 jyldan bastap jalpy salmaǵy 1,57 tonna bolatyn 42 579 altyn quima satyldy.
Altyn quimalary 5, 10, 20, 50 jáne 100 gramdyq bolyp bes salmaqta satylǵan. Sonyń ishinde eń kóp satylǵany - 100 gramdyq quima.
«Keri satyp alýǵa jalpy massasy 3,4 keli 131 quima qabyldandy. Altyn quimalar – investitsiialaýdyń senimdi quraly bola alady. Bankterdiń jáne banktik emes aiyrbastaý pýnkteriniń klientke «sol kúni» aqsha tólei otyryp, quimalardy keri satyp alý múmkindigi – altyn quimalar naryǵynyń ótimdiligin qamtamasyz etýdiń negizgi faktory»,– dep habarlady Ulttyq bank.
Árbir quima qorǵanysh elementterimen jabdyqtalǵan (quimalardyń bet jaǵy ainadai, mikromátin jáne bederli gýrt), sonymen birge quimalardy mehanikalyq zaqymdanýdan qorǵaityn jáne qaptamasynyń ashylǵan-ashylmaǵanyn tez anyqtaýǵa múmkindik beretin arnaiy qaptamada shyǵarylady. Qorǵanysh qaptamasy da quima sapasynyń sertifikaty sanalady. Sondyqtan quimany uqypty saqtap, qaptamasyn ashpaǵan durys.
