Qazaq memlekettik zań ýniversiteti Ózbekstannyń orta mektepti bitirgen 10 túlegine grant bóledi, dep habarlaidy "Ult aqparat" atalǵan JOO-ǵa silteme jasap.
«QazMZÝ basqarma tóraǵasy Talǵat Nárikbaev Qazaq memlekettik zań ýniversitetinde Ózbekstannyń orta mektep túlekterine bilim alýǵa jáne jatyn orynǵa 10 granttyń bólinetindigin jariia etti. Ol bul jaiynda Scopus Award 2019 syilyǵyn tabystaý sharasy aiasynda Ózbekstan Premer-ministriniń orynbasary A.Abdýhakimov pen Ózbekstannyń Halyqqa bilim berý ministri Sh.Shermatovpen kezdesýinde aitty», - dep atap ótedi ýniversitetten.
Talǵat Nárikbaev Tashkentke sapary aiasynda Ózbekstan Ádilet ministriniń orynbasary – Tashkent memlekettik zań ýniversitetiniń rektory Rahim Hakimovpen yntymaqtastyq týraly memorandýmǵa qol qoidy.
Esterińizge sala ketsek, QR Tuńǵysh Prezidenti - Elbasy Nursultan Nazarbaev Tashkentte Ortalyq Aziia Memleket basshylarynyń Konsýltativtik kezdesýinde Qazaqstannyń eń úzdik joǵary oqý oryndarynda bilim alý quqyǵyn bere otyryp, óńirdegi ár memleketke 10 grantttan bólýdi usynǵan edi.
