قازاق مەملەكەتتٸك زاڭ ۋنيۆەرسيتەتٸ ٶزبەكستاننىڭ ورتا مەكتەپتٸ بٸتٸرگەن 10 تٷلەگٸنە گرانت بٶلەدٸ, دەپ حابارلايدى "ۇلت اقپارات" اتالعان جوو-عا سٸلتەمە جاساپ.
«قازمزۋ باسقارما تٶراعاسى تالعات نەرٸكباەۆ قازاق مەملەكەتتٸك زاڭ ۋنيۆەرسيتەتٸندە ٶزبەكستاننىڭ ورتا مەكتەپ تٷلەكتەرٸنە بٸلٸم الۋعا جەنە جاتىن ورىنعا 10 گرانتتىڭ بٶلٸنەتٸندٸگٸن جارييا ەتتٸ. ول بۇل جايىندا Scopus Award 2019 سىيلىعىن تابىستاۋ شاراسى اياسىندا ٶزبەكستان پرەمەر-مينيسترٸنٸڭ ورىنباسارى ا.ابدۋحاكيموۆ پەن ٶزبەكستاننىڭ حالىققا بٸلٸم بەرۋ مينيسترٸ ش.شەرماتوۆپەن كەزدەسۋٸندە ايتتى», - دەپ اتاپ ٶتەدٸ ۋنيۆەرسيتەتتەن.
تالعات نەرٸكباەۆ تاشكەنتكە ساپارى اياسىندا ٶزبەكستان ەدٸلەت مينيسترٸنٸڭ ورىنباسارى – تاشكەنت مەملەكەتتٸك زاڭ ۋنيۆەرسيتەتٸنٸڭ رەكتورى راحيم حاكيموۆپەن ىنتىماقتاستىق تۋرالى مەموراندۋمعا قول قويدى.
ەستەرٸڭٸزگە سالا كەتسەك, قر تۇڭعىش پرەزيدەنتٸ - ەلباسى نۇرسۇلتان نازارباەۆ تاشكەنتتە ورتالىق ازييا مەملەكەت باسشىلارىنىڭ كونسۋلتاتيۆتٸك كەزدەسۋٸندە قازاقستاننىڭ ەڭ ٷزدٸك جوعارى وقۋ ورىندارىندا بٸلٸم الۋ قۇقىعىن بەرە وتىرىپ, ٶڭٸردەگٸ ەر مەملەكەتكە 10 گرانتتتان بٶلۋدٸ ۇسىنعان ەدٸ.
