Premer-ministr Asqar Mamin zeinetkerlerdi jeke tabys salyǵy men salyqtyń basqa túrlerinen bosatý múmkindigi týraly túsindirdi, dep habarlaidy "Ult aqparat".
«Jeke turatyn zeinetkerlerdi múlik salyǵy men avtokólik salyǵyn tóleýden, sondai-aq 65 jastan asqan jumys isteitin zeinetkerlerdiń jeke tabys salyǵyn tóleýden bosatýǵa qatysty mynany túsindire keteiin. Salyq zańnamasyna sáikes bólek turatyn zeinetkerler turǵyn úi qoryndaǵy jer ýchaskeleri, sondai-aq irgeles jer ýchaskeleri úshin jer salyǵynan bosatylady», - dep jaýap jazdy Asqar Mamin depýtat ótinishine.
Sonymen qatar, ol respýblikalyq biýdjet týraly zańda belgilengen jáne tiisti qarjy jylynyń 1 qańtarynda qoldanysqa enetin zań boiynsha bólek turatyn zeinetker menshik quqyǵyndaǵy barlyq salyq salynatyn nysandardyń jalpy qunynan 1000 eselengen ailyq eseptik kórsetkish sheginde múlik salyǵyn tóleýshi bolyp tabylmaitynyn eske salady.
«Jalpy, biz jeke tabys salyǵyn, zeinetkerlerdiń múlik salyǵy men kólik salyǵyn tóleýden bosatý týraly máseleni qarastyrýǵa bolady dep sanaimyz. Sonymen qatar, Qazaqstan Respýblikasy Biýdjet kodeksiniń 5-babyna sáikes respýblikalyq jáne jergilikti biýdjetterdiń shyǵystaryn nemese kiristerin azaitýdy kózdeitin normativtik quqyqtyq aktiler mindetti túrde Respýblikalyq biýdjettik komissiianyń qaraýyna jatady», - dedi Úkimet basshysy.
Sonymen birge, onyń aitýynsha, zeinetkerlerdi JTS-dan bosatý úshin norma engizý kezinde biýdjet shyǵyndarynyń esebin júrgizý qajet.
«Zeinetkerlerdi kólik pen múlikke salynatyn salyqtan bosatýǵa qatysty, tájiribe kórsetkendei, azamattardyń áleýmettik álsiz sanattarynyń birine járdemaqy taǵaiyndaý kezinde salyqty tólegisi kelmeitinder tarapynan quqyq buzý faktileri paida bolady. Osylaisha, múlik, onyń ishinde úlken qozǵaltqyshy bar qymbat avtokólik salyq mindettemelerin oryndamaý úshin jeńildik jasalatyn tulǵaǵa rásimdeledi», - dep túiindedi Mamin.
