Qazaqstandyq vaktsinany qutyǵa quiý protsesi Túrkiiada júrgiziledi. Bul týraly QR Premer-Ministriniń orynbasary Eraly Toǵjanov aitty, dep habarlaidy "Ult aqparat".
«Búginde Túrkiiamen ýaǵdalastyq bar. Óitkeni, olardyń óndiristik bazasy myqty. Túrkiianyń óziniń vaktsinasy joq bolǵanymen úlken óndiristik alańy bar. Sondyqtan búgingi kúni bul máselege qatysty atalǵan óńirmen aldyn ala naqty ýaǵdalastyq jasaldy. Tipti, aldyn ala kelisimge qol qoidyq. Munyń ústine zaýyt qurylysyn súiemeldeý kelisimin de jasadyq», - dedi Eraly Toǵjanov Ortalyq kommýnikatsiialar qyzmetindegi baspasóz máslihatynda.
Sonymen qatar ol qazaqstandyq vaktsina shyǵaratyn zaýyttyń Jambyl oblysy aýmaǵynda salynyp jatqanyn eske saldy. Zaýyt qurylysy barysynda Túrkiianyń tanymal kompaniialary halyqaralyq GMP standartty talabyna sai keletin qural-jabdyqtardy ornatatyndyǵyn atap ótti.
«Búginde Bilim jáne ǵylym, Densaýlyq saqtaý ministrlikteri, Jambyl oblysynyń ákimdigi jáne kompaniialar arasynda kelisimge qol qoiyldy», - dedi Úkimet basshysynyń orynbasary.
Eraly Toǵjanov Túrkiiada qazaqstandyq vaktsinany qutyǵa quiý protsesi ǵana júrgiziletindigin basa aitty.
