Koronavirýsqa qarsy otandyq Qaz Covid-in vaktsinasyna birqatar el qyzyǵýshylyq tanytyp otyr. Bul týraly Densaýlyq saqtaý ministri Aleksei Tsoi aityp berdi, dep habarlaidy QazAqparat.
«Qazaqstanda vaktsina shyǵaratyn dástúrli zaýyt bolǵan joq. Pandemiia kelgende belsendi jumys bastaldy, qazir alǵashqy qazaqstandyq vaktsina zaýytynyń qurylysy aiaqtalyp qaldy. Ony nasihattaýǵa kelsek, árine, bul máselemen ainalysýdy josparlap otyrmyz. Vaktsinany ilgeriletý úshin klinikalyq zertteýlerdiń tolyq nátijesin alý kerek, óitkeni barlyq elder birinshi kezekte klinikalyq zertteý parametrlerin suraidy, onyń tiimdiligin tekseredi, sodan keiin ótinim berýi múmkin. Qazir de bizdiń ónimge qyzyǵýshylyq tanytqan elder bar, biraq olardyń barlyǵy klinikalyq zertteýlerdiń nátijesin kútýde», - dep jaýap berdi ministr Ortalyq kommýnikatsiialar qyzmetindegi brifingte tilshi suraǵyna.
Bul rette Aleksei Tsoi otandyq vaktsinamen birinshi kezekte Qazaqstan naryǵy qamtamasyz etiletinin, óz qajettiligimizdi toltyrmaiynsha syrtqy naryqqa shyqpaitynyn aitty.
