كوروناۆيرۋسقا قارسى وتاندىق Qaz Covid-in ۆاكتسيناسىنا بٸرقاتار ەل قىزىعۋشىلىق تانىتىپ وتىر. بۇل تۋرالى دەنساۋلىق ساقتاۋ مينيسترٸ الەكسەي تسوي ايتىپ بەردٸ, دەپ حابارلايدى قازاقپارات.
«قازاقستاندا ۆاكتسينا شىعاراتىن دەستٷرلٸ زاۋىت بولعان جوق. پاندەمييا كەلگەندە بەلسەندٸ جۇمىس باستالدى, قازٸر العاشقى قازاقستاندىق ۆاكتسينا زاۋىتىنىڭ قۇرىلىسى اياقتالىپ قالدى. ونى ناسيحاتتاۋعا كەلسەك, ەرينە, بۇل مەسەلەمەن اينالىسۋدى جوسپارلاپ وتىرمىز. ۆاكتسينانى ٸلگەرٸلەتۋ ٷشٸن كلينيكالىق زەرتتەۋلەردٸڭ تولىق نەتيجەسٸن الۋ كەرەك, ٶيتكەنٸ بارلىق ەلدەر بٸرٸنشٸ كەزەكتە كلينيكالىق زەرتتەۋ پارامەترلەرٸن سۇرايدى, ونىڭ تيٸمدٸلٸگٸن تەكسەرەدٸ, سودان كەيٸن ٶتٸنٸم بەرۋٸ مٷمكٸن. قازٸر دە بٸزدٸڭ ٶنٸمگە قىزىعۋشىلىق تانىتقان ەلدەر بار, بٸراق ولاردىڭ بارلىعى كلينيكالىق زەرتتەۋلەردٸڭ نەتيجەسٸن كٷتۋدە», - دەپ جاۋاپ بەردٸ مينيستر ورتالىق كوممۋنيكاتسييالار قىزمەتٸندەگٸ بريفينگتە تٸلشٸ سۇراعىنا.
بۇل رەتتە الەكسەي تسوي وتاندىق ۆاكتسينامەن بٸرٸنشٸ كەزەكتە قازاقستان نارىعى قامتاماسىز ەتٸلەتٸنٸن, ٶز قاجەتتٸلٸگٸمٸزدٸ تولتىرمايىنشا سىرتقى نارىققا شىقپايتىنىن ايتتى.
