Bolgariia astanasynda ótip jatqan Strandj kýbogy týrnirinde úshinshi qazaqstandyq bylǵary qolǵap sheberi finalǵa shyqty, dep habarlaidy QazAqparat.
Atalǵan týrnirde 81 keli salmaqta el namysyn qorǵap jatqan qazaqstandyq boksshy, 2016 jylǵy el birinshiliginiń chempiony Lázzat Kúngeibaeva jartylai final jekpe-jeginde úndistandyq Nandinidi 5:0 esebimen tize búktirip, finalǵa shyqty.
Endi ol halyqaralyq týrnirdiń altyn medal úshin synǵa túsedi.
Esterińizge sala keteiik, osyǵan deiin áielder arasynda taǵy eki boksshymyz finalǵa shyqqanyn jazǵan bolatynbyz.
Onyń biri - 50 keli salmaqta synǵa túsken Nazym Qyzaibai bolsa, ekinshisi - 54 keli salmaqta el namysyn qorǵaǵan Dina Jolaman bolatyn.
Ókinishke qarai, búgin taǵy eki boksshymyz jartylai finalda qarsylastaryna jol berdi.
Bireýi - 60 keli salmaqta synǵa túsken Rimma Volosenko bolsa, ekinshisi 81 kelide el namysyn qorǵaǵan Anastasiia Baiazitova.
Volosenko jartylai finalynda irlandiialyq Keili Harringtonǵa 0:5 esebimen jeńilse, Baiazitova reseilik Anna Ivanovaǵa jol berdi.
