بولگارييا استاناسىندا ٶتٸپ جاتقان ستراندج كۋبوگى تۋرنيرٸندە ٷشٸنشٸ قازاقستاندىق بىلعارى قولعاپ شەبەرٸ فينالعا شىقتى, دەپ حابارلايدى قازاقپارات.
اتالعان تۋرنيردە 81 كەلٸ سالماقتا ەل نامىسىن قورعاپ جاتقان قازاقستاندىق بوكسشى, 2016 جىلعى ەل بٸرٸنشٸلٸگٸنٸڭ چەمپيونى لەززات كٷنگەيباەۆا جارتىلاي فينال جەكپە-جەگٸندە ٷندٸستاندىق ناندينيدٸ 5:0 ەسەبٸمەن تٸزە بٷكتٸرٸپ, فينالعا شىقتى.
ەندٸ ول حالىقارالىق تۋرنيردٸڭ التىن مەدال ٷشٸن سىنعا تٷسەدٸ.
ەستەرٸڭٸزگە سالا كەتەيٸك, وسىعان دەيٸن ەيەلدەر اراسىندا تاعى ەكٸ بوكسشىمىز فينالعا شىققانىن جازعان بولاتىنبىز.
ونىڭ بٸرٸ - 50 كەلٸ سالماقتا سىنعا تٷسكەن نازىم قىزايباي بولسا, ەكٸنشٸسٸ - 54 كەلٸ سالماقتا ەل نامىسىن قورعاعان دينا جولامان بولاتىن.
ٶكٸنٸشكە قاراي, بٷگٸن تاعى ەكٸ بوكسشىمىز جارتىلاي فينالدا قارسىلاستارىنا جول بەردٸ.
بٸرەۋٸ - 60 كەلٸ سالماقتا سىنعا تٷسكەن ريمما ۆولوسەنكو بولسا, ەكٸنشٸسٸ 81 كەلٸدە ەل نامىسىن قورعاعان اناستاسييا بايازيتوۆا.
ۆولوسەنكو جارتىلاي فينالىندا يرلاندييالىق كەيلي حاررينگتونعا 0:5 ەسەبٸمەن جەڭٸلسە, بايازيتوۆا رەسەيلٸك اننا يۆانوۆاعا جول بەردٸ.
