"Táýelsiz Qazaqstandyq Akkreditteý ortalyǵy" Aqtaý gýmanitarlyq-tehnikalyq ýniversiteti men "Astana" ýniversitetine sheshimi týraly resmi habarlama jibergen.
"Uiym oqý oryndaryn akkreditatsiialaýmen ainalysady, iaǵni bilim berý baǵdarlamalarynyń sapa standarttaryna sáikestigin tekseremiz. Oqý oryndary sarapshylarymyzǵa ǵimaratqa kirýine jol bermei, akkreditteýden keiingi monitoring júrgizýge kedergi keltirdi. Osyǵan bailanysty akkreditatsiia kýáligin qaitaryp alýdy uiǵardyq", - dedi "Táýelsiz Qazaqstandyq Akkreditteý ortalyǵy" direktory Begaly Halmýratov.
Buǵan deiin BǴM da osy JOO-lar josparly tekserý júrgizýge kedergi keltirgenin aitty. Sot talqylaýlary bir jarym jyldan beri jalǵasyp keledi.
Sondai-aq, Akkreditteý jáne reitingtiń táýelsiz agenttigi (ARTA/IAAR) Ortalyq Aziia ýniversitetiniń akkreditteý týraly kýáligin qaitaryp aldy.
"Akkreditteý jáne reitingtiń táýelsiz agenttigi (IAAR) jumysyna sáikes bilim berý uiymdary júrgizilgen akkreditteý qorytyndylary boiynsha usynymdardyń oryndalýyn baqylaityn monitoringten ótýi tiis. Ortalyq Aziia ýniversitetiniń monitoringten ótýden bas tartýyna jáne usynymdardyń oryndalǵany týraly esepti ótkizbeýine bailanysty akkreditteý týraly kýálikti qaitaryp alýdy uiǵardyq", - dep habarlady "Akkreditteý jáne reitingtiń táýelsiz agenttigi" UÝ bas direktory Alina Jumaǵulova.
"Atameken" UKP Adami kapitaldy damytý departamentiniń direktory Azamat Beisenbenov jumys berýshiler joǵary oqý oryndaryndaǵy bilim sapasyna qanaǵattanbaitynyn aitty. Onyń aitýynsha, bolashaq mamandar qajetti bilim men daǵdy ala almaidy.
"Ýniversitet mysalyn qarastyraiyq. 2020 jylǵy Joǵary oqý oryndary reitinginiń qorytyndysy boiynsha jumys berýshilerdiń Ortalyq Aziia ýniversitetiniń bilim berý baǵdarlamalarynyń sapasy men ózektiligine qanaǵattanýy bar bolǵany 32 paiyz. Sarapshylar joǵary oqý orny usynǵan bilim berý baǵdarlamalary eleýli pysyqtaýdy talap etetinin aitty. Munda qatań sharalar qabyldaý qajet", - dedi Azamat Beisenbenov.
Bilim jáne ǵylym ministrligi akkreditteý agenttikteri men jumys berýshiler birlesip joǵary bilim berý sapasyn arttyrýǵa qol jetkizý úshin jumys jasap jatqanyn aitty.
"Biyl aldyda kadrlardy daiarlaý sapasy týraly másele tur. Joǵary oqý oryndary tarapynan tekserý nátijeleri boiynsha máselelerdi sheshý merzimderiniń sozylǵany baiqalady", - dep atap ótti QR BǴM Bilim jáne ǵylym salasyndaǵy sapany qamtamasyz etý komitetiniń tóraiymy Gúlzat Kóbenova.
Eske sala keteiik, Almatydaǵy Qazaq meditsinalyq úzdiksiz bilim berý ýniversiteti (QazMÚBBÝ) bas litsenziiasynan aiyryldy. BǴM ýniversitet qyzmetinde 2020 jyldyń ortasynda óreskel zańbuzýshylyqtar anyqtalǵanyn habarlady.
