Qazaqstandyq tennisshilerdiń Ábý-Dabi WTA 500 týrnirindegi qarsylastary belgili boldy, dep habarlaidy "Ult aqparat".
Áielder tennisi qaýymdastyǵy (WTA) biyl alǵash ret uiymdastyryp otyrǵan doda 5-13 qańtar aralyǵynda ótedi.
Jarystyń júlde qory 565 530 AQSh dollaryn quraidy.
Ábý-Dabidiń negizgi týrnirine Qazaqstannan tórt tennisshi qatysady. Oǵan qosa Anna Danilina búgin irikteý saiysynda qytailyq Ian Chjaosiýanmen kúsh synasady. Eger ol irikteý saiystarynan ótse, negizgi jarysqa joldama alady.
Qazaqstannyń birinshi, álemniń 19-ynshy, osy týrnirdiń 6-raketkasy Elena Rybakina alǵashqy ainalymda irikteý saiystary jeńimpazdarynyń bireýimen kezdesedi. Sondai-aq Iaroslava Shvedovanyń da qarsylasy ázirge belgisiz.
Dúniejúzilik reitingte 28-satyda turǵan, osy týrnirdiń 13-raketkasy bolyp tirkelgen Iýliia Pýtintseva italiialyq Martina Trevizanmen kortqa shyǵady. M.Trevizan ótken jyly Rolan Garros týrnirinde asa tabysty óner kórsetip, sonyń nátijesinde úzdik júzdikke endi, qazir ol 85-orynda tur.
Zarina Diias birinshi ainalymda álemniń 33-inshi, týrnirdiń 17-raketkasy, reseilik Ekaterina Aleksandrovamen sheberlik baiqasady.
Ábý-Dabidegi negizgi týrnir 6 qańtar kúni bastalady.
