Qazaqstandyq Aleksandr Nedovesov juptyq synda Bratislava (Slovakiia) chellendjer týrniriniń shirek finalyna shyqty, dep habarlaidy "Ult aqparat".
Qazaqstandyq tennisshi ýkrainalyq Denis Molchanovpen birge bastapqy kezdesýin argentinalyqtar Rentso Olivo – Federiko Koriamen ótkizdi.
Osy dodanyń 1-raketkasy bolyp tirkelgen qazaqstandyq-ýkrainalyq jup 6:3, 7:5 esebimen jeńiske jetti. Báseke 1 saǵat 15 minýtqa sozyldy.
A.Nedovesov pen D.Molchanov bir eis jasap, bes breikke qol jetkizdi. Qarsylastary eki breikpen shekteldi.
Qazaqstandyq-ýkrainalyq jup jartylai finalǵa shyǵý úshin shveitsariialyq Lýka Margaroli – úndistandyq Shrirambala Naraianasvamimen talasady.
Taǵy bir qazaqstandyq Dmitrii Popko mysyrlyq Mohamed Safvatpen birge juptyq synda Almatyda ótip jatqan chellendjer týrnirinde shirek finalǵa shyqty. Olar osy jarystyń 2-raketkasy bolyp tirkelgen kanadalyq Breiden Shnýr – taibeilik Tsýn-Hýa Iandy 7:6 (7:4), 6:3 esebimen tize búktirdi.
Bul jup shirek finalda chililik Tomas Barrios – italiialyq Rikkardo Bonadiomen sheberlik baiqasady.
D.Popko men Timofei Skatov Almaty dodasynda jekelei synda da óner kórsetýin jalǵastyrady.
