قازاقستاندىق تەننيسشٸ سلوۆاكيياداعى تۋرنيردٸڭ شيرەك فينالىنا شىقتى

قازاقستاندىق الەكساندر نەدوۆەسوۆ جۇپتىق سىندا براتيسلاۆا (سلوۆاكييا) چەللەندجەر تۋرنيرٸنٸڭ شيرەك فينالىنا شىقتى, دەپ حابارلايدى "ۇلت اقپارات".

قازاقستاندىق تەننيسشٸ ۋكراينالىق دەنيس مولچانوۆپەن بٸرگە باستاپقى كەزدەسۋٸن ارگەنتينالىقتار رەنتسو وليۆو – فەدەريكو كوريامەن ٶتكٸزدٸ. 

وسى دودانىڭ 1-راكەتكاسى بولىپ تٸركەلگەن قازاقستاندىق-ۋكراينالىق جۇپ 6:3, 7:5 ەسەبٸمەن جەڭٸسكە جەتتٸ. بەسەكە 1 ساعات 15 مينۋتقا سوزىلدى. 

ا.نەدوۆەسوۆ پەن د.مولچانوۆ بٸر ەيس جاساپ, بەس برەيككە قول جەتكٸزدٸ. قارسىلاستارى ەكٸ برەيكپەن شەكتەلدٸ.

قازاقستاندىق-ۋكراينالىق جۇپ جارتىلاي فينالعا شىعۋ ٷشٸن شۆەيتسارييالىق لۋكا مارگارولي – ٷندٸستاندىق شريرامبالا ناراياناسۆاميمەن تالاسادى.

تاعى بٸر قازاقستاندىق دميتريي پوپكو مىسىرلىق موحامەد سافۆاتپەن بٸرگە جۇپتىق سىندا الماتىدا ٶتٸپ جاتقان چەللەندجەر تۋرنيرٸندە شيرەك فينالعا شىقتى. ولار وسى جارىستىڭ 2-راكەتكاسى بولىپ تٸركەلگەن كانادالىق برەيدەن شنۋر – تايبەيلٸك تسۋن-حۋا ياندى 7:6 (7:4), 6:3 ەسەبٸمەن تٸزە بٷكتٸردٸ.

بۇل جۇپ شيرەك فينالدا چيليلٸك توماس بارريوس – يتالييالىق ريككاردو بوناديومەن شەبەرلٸك بايقاسادى.

د.پوپكو مەن تيموفەي سكاتوۆ الماتى دوداسىندا جەكەلەي سىندا دا ٶنەر كٶرسەتۋٸن جالعاستىرادى.