Qazaqstandyq stýdent Tomiris Baisafany óltirdi dep aiyptalǵan Mýrtazali Medjidovke qatysty qylmystyq is Máskeýdiń Nikýlin aýdandyq sotynda qaralady, dep habarlaidy "Ult aqparat".
Marqumnyń anasy Janna Ahmetovanyń aitýynsha, qylmystyq is materialdary sotqa berilgen, bastapqy tyńdaý 23 naýryzda ótedi.
«Biz bul týraly búgin ǵana bildik. Negizinde Nikýlin aýdandyq sotynda eki tarap ta qashyqtan qatysa alatyndai tehnikalyq jaǵdaiy joq», - deidi ol.
Endi ol aldaǵy sot otyrysyna qatysa almaidy, óitkeni koronavirýsqa qatysty shekteý sharalaryna bailanysty ol sotqa bara almaidy. Sondyqtan sot otyrysyna zardap shekken taraptyń advokaty qatysýy tiis.
«Aiyptalýshy sotty alqabiler qatysýymen ótkizý týraly ótinish bildirdi. Biraq biz alqabiler sotyna qarsymyz, óitkeni aiyptalýshy tarap qatysýshylardyń quramyn anyqtai alady, al biz olardyń quzyrettilik dárejesin de bilmeimiz», - deidi Janna Ahmetova.
Sondai-aq, Ahmetova tergeý barysynda aiyptalýshy birneshe ret aiǵaqty ózgertkenin, tergeý is-sharalarynyń nátijelerinen ara-tura bas tartqanyn, mundai áreketter tergeý men sotqa materialdardy daiyndaý qarqynyn keshiktirgendigin aitty.
Máskeý sottary portalynyń habarlaýynsha, qylmystyq is boiynsha aldyn ala sot otyrysy sýdia Konstantin Dýbkovtyń tóraǵalyǵymen seisenbide ótedi. Sottalýshy M. Medjidov Resei Federatsiiasy Qylmystyq kodeksiniń 105-baby, 1-bóligi boiynsha («Kisi óltirý») qylmys jasady dep aiyptaldy.
Resei Federatsiiasynyń Qylmystyq is júrgizý kodeksiniń erejelerine sáikes aldyn ala tyńdaýdy sýdia jalǵyz ózi taraptardyń qatysýymen jabyq sot otyrysynda ótkizedi jáne máseleni sheshý alqabilerdiń qatysýymen júzege asyrylady.
