قازاقستاندىق ستۋدەنت توميريس بايسافانى ٶلتٸردٸ دەپ ايىپتالعان مۋرتازالي مەدجيدوۆكە قاتىستى قىلمىستىق ٸس مەسكەۋدٸڭ نيكۋلين اۋداندىق سوتىندا قارالادى, دەپ حابارلايدى "ۇلت اقپارات".
مارقۇمنىڭ اناسى جاننا احمەتوۆانىڭ ايتۋىنشا, قىلمىستىق ٸس ماتەريالدارى سوتقا بەرٸلگەن, باستاپقى تىڭداۋ 23 ناۋرىزدا ٶتەدٸ.
«بٸز بۇل تۋرالى بٷگٸن عانا بٸلدٸك. نەگٸزٸندە نيكۋلين اۋداندىق سوتىندا ەكٸ تاراپ تا قاشىقتان قاتىسا الاتىنداي تەحنيكالىق جاعدايى جوق», - دەيدٸ ول.
ەندٸ ول الداعى سوت وتىرىسىنا قاتىسا المايدى, ٶيتكەنٸ كوروناۆيرۋسقا قاتىستى شەكتەۋ شارالارىنا بايلانىستى ول سوتقا بارا المايدى. سوندىقتان سوت وتىرىسىنا زارداپ شەككەن تاراپتىڭ ادۆوكاتى قاتىسۋى تيٸس.
«ايىپتالۋشى سوتتى القابيلەر قاتىسۋىمەن ٶتكٸزۋ تۋرالى ٶتٸنٸش بٸلدٸردٸ. بٸراق بٸز القابيلەر سوتىنا قارسىمىز, ٶيتكەنٸ ايىپتالۋشى تاراپ قاتىسۋشىلاردىڭ قۇرامىن انىقتاي الادى, ال بٸز ولاردىڭ قۇزىرەتتٸلٸك دەرەجەسٸن دە بٸلمەيمٸز», - دەيدٸ جاننا احمەتوۆا.
سونداي-اق, احمەتوۆا تەرگەۋ بارىسىندا ايىپتالۋشى بٸرنەشە رەت ايعاقتى ٶزگەرتكەنٸن, تەرگەۋ ٸس-شارالارىنىڭ نەتيجەلەرٸنەن ارا-تۇرا باس تارتقانىن, مۇنداي ەرەكەتتەر تەرگەۋ مەن سوتقا ماتەريالداردى دايىنداۋ قارقىنىن كەشٸكتٸرگەندٸگٸن ايتتى.
مەسكەۋ سوتتارى پورتالىنىڭ حابارلاۋىنشا, قىلمىستىق ٸس بويىنشا الدىن الا سوت وتىرىسى سۋديا كونستانتين دۋبكوۆتىڭ تٶراعالىعىمەن سەيسەنبٸدە ٶتەدٸ. سوتتالۋشى م. مەدجيدوۆ رەسەي فەدەراتسيياسى قىلمىستىق كودەكسٸنٸڭ 105-بابى, 1-بٶلٸگٸ بويىنشا («كٸسٸ ٶلتٸرۋ») قىلمىس جاسادى دەپ ايىپتالدى.
رەسەي فەدەراتسيياسىنىڭ قىلمىستىق ٸس جٷرگٸزۋ كودەكسٸنٸڭ ەرەجەلەرٸنە سەيكەس الدىن الا تىڭداۋدى سۋديا جالعىز ٶزٸ تاراپتاردىڭ قاتىسۋىمەن جابىق سوت وتىرىسىندا ٶتكٸزەدٸ جەنە مەسەلەنٸ شەشۋ القابيلەردٸڭ قاتىسۋىمەن جٷزەگە اسىرىلادى.
