Búgin, 20 aqpanda Beijińde ótken Qysqy Olimpiada oiyndary aiaqtaldy, dep habarlaidy Vesti.kz tilshisi.
Otandastarymyzdyń arasynda júldege bir taban jaqyn bolǵan, jarystyń ashylý saltanatynda elimizdiń kók týyn ustap shyqqan short-trekshi Abzal Ájǵaliev boldy. Ol 500 metr qashyqtyqta máre syzyǵyn tórtinshi bolyp kesti.
Sonymen qatar, Qazaqstan quramasynyń sapynda Abzal Ájǵaliev, Denis Nikisha, Ádil Ǵaliahmetov, Olga Tihonova jáne Iana Hvandar komandalyq esepte besinshi oryndy ielendi.
Osylaisha, Ájǵaliev Beijińdegi nátijesi úshin 40 000 AQSh dollar (17,1 million teńge) syiaqy alady. Al qalǵan short-trekshiler 10 000 dollardan (4,1 million teńge) qarjy alady.
Qysqy Olimpiada qorytyndysy boiynsha qazaqstandyq sportshylar men bapkerlerge 140 myń dollar (60 million teńgege jýyq) qarjy bólinedi.
Jalpy biylǵy Olimpiadada otandastarymyz altyn alǵan jaǵdaida 250 myń dollar, kúmis júlde úshin 150 myń, qola medalǵa 75 myń dollar syiaqy alar edi. Sonymen qatar, tórtinshi, besinshi jáne altynshy oryn alǵan sportshylar – 50 myń, 10 myń jáne 5 myń AQSh dollar syiaqy alady.
