قازاقستاندىق سپورتشىلاردىڭ وليمپيادادا قانشا تابىس تاپقانى بەلگٸلٸ بولدى

بٷگٸن, 20 اقپاندا بەيجٸڭدە ٶتكەن قىسقى وليمپيادا ويىندارى اياقتالدى, دەپ حابارلايدى Vesti.kz تٸلشٸسٸ.

وتانداستارىمىزدىڭ اراسىندا جٷلدەگە بٸر تابان جاقىن بولعان, جارىستىڭ اشىلۋ سالتاناتىندا ەلٸمٸزدٸڭ كٶك تۋىن ۇستاپ شىققان شورت-ترەكشٸ ابزال ەجعاليەۆ بولدى. ول 500 مەتر قاشىقتىقتا مەرە سىزىعىن تٶرتٸنشٸ بولىپ كەستٸ.

سونىمەن قاتار, قازاقستان قۇراماسىنىڭ ساپىندا ابزال ەجعاليەۆ, دەنيس نيكيشا, ەدٸل عالياحمەتوۆ, ولگا تيحونوۆا جەنە يانا حۆاندار كوماندالىق ەسەپتە بەسٸنشٸ ورىندى يەلەندٸ.

وسىلايشا, ەجعاليەۆ بەيجٸڭدەگٸ نەتيجەسٸ ٷشٸن 40 000 اقش دوللار (17,1 ميلليون تەڭگە) سىياقى الادى. ال قالعان شورت-ترەكشٸلەر 10 000 دوللاردان (4,1 ميلليون تەڭگە) قارجى الادى.

قىسقى وليمپيادا قورىتىندىسى بويىنشا قازاقستاندىق سپورتشىلار مەن باپكەرلەرگە 140 مىڭ دوللار (60 ميلليون تەڭگەگە جۋىق) قارجى بٶلٸنەدٸ.

جالپى بيىلعى وليمپيادادا وتانداستارىمىز التىن العان جاعدايدا 250 مىڭ دوللار, كٷمٸس جٷلدە ٷشٸن 150 مىڭ, قولا مەدالعا 75 مىڭ دوللار سىياقى الار ەدٸ. سونىمەن قاتار, تٶرتٸنشٸ, بەسٸنشٸ جەنە التىنشى ورىن العان سپورتشىلار – 50 مىڭ, 10 مىڭ جەنە 5 مىڭ اقش دوللار سىياقى الادى.