Almaty oblysynyń prokýratýrasy tekserý júrgizip, 305 qazaqstandyq sheneýnik oiynhanada 507 million teńge jumsaǵanyn anyqtady. Tekserý qorytyndysy quzyrly organdarǵa tapsyryldy, - dep habarlaidy Tengrinews.kz agenttigi.
Tekserý nátijesi týraly qujatty jýrnalist Mihail Kozachkov Telegram-arnasynda jariialady. Almaty oblysy prokýratýrasynyń baspasóz qyzmeti qujattyń shynaiylyǵyn rastady.
"Iá, rastaimyz. Biz bul tekserýdi júrgizip, tizimdegi barlyq memlekettik organdarǵa shara qoldanýǵa jiberdik", - dedi prokýratýra ókilderi.
Qujatta prokýrorlar oiynhanalar men oiyn avtomattary zaldarynyń qyzmetin tekserip, memlekettik qyzmet barysynda mekemelerge kelgen 305 memlekettik qyzmetkerdi anyqtaǵany aitylǵan. Olar qumar oiyndarǵa 507 million teńge jumsaǵan.
Anyqtalǵan memlekettik qyzmetshiler arasynda:
- Ishki ister ministrligi - 97;
- Qorǵanys ministrligi - 95;
- Qarjy ministrligi - 25;
- Joǵarǵy Sot - 7;
- Qarjy monitoringi organdary - 15;
- Sybailas jemqorlyqqa qarsy is-qimyl organdary - 3;
- ákimdikter - 36;
- basqa da memlekettik organdar - 27.
Prokýrorlar memlekettik qyzmetkerlerdiń qumar oiyndarǵa jumsaǵan aqshasynyń shyǵý tegin tekserýge shaqyrdy.
"Osy mán-jailar memlekettik organdardyń sybailas jemqorlyqqa qarsy is-qimyl júiesindegi, sybailas jemqorlyqqa qarsy monitoring pen sybailas jemqorlyq táýekelderin taldaýdyń tiisti deńgeide júrgizilmeýin kórsetedi", - dedi prokýratýra ókilderi.
