الماتى وبلىسىنىڭ پروكۋراتۋراسى تەكسەرۋ جٷرگٸزٸپ, 305 قازاقستاندىق شەنەۋنٸك ويىنحانادا 507 ميلليون تەڭگە جۇمساعانىن انىقتادى. تەكسەرۋ قورىتىندىسى قۇزىرلى ورگاندارعا تاپسىرىلدى, - دەپ حابارلايدى Tengrinews.kz اگەنتتٸگٸ.
تەكسەرۋ نەتيجەسٸ تۋرالى قۇجاتتى جۋرناليست ميحايل كوزاچكوۆ Telegram-ارناسىندا جارييالادى. الماتى وبلىسى پروكۋراتۋراسىنىڭ باسپاسٶز قىزمەتٸ قۇجاتتىڭ شىنايىلىعىن راستادى.
"يە, راستايمىز. بٸز بۇل تەكسەرۋدٸ جٷرگٸزٸپ, تٸزٸمدەگٸ بارلىق مەملەكەتتٸك ورگاندارعا شارا قولدانۋعا جٸبەردٸك", - دەدٸ پروكۋراتۋرا ٶكٸلدەرٸ.
قۇجاتتا پروكۋرورلار ويىنحانالار مەن ويىن اۆتوماتتارى زالدارىنىڭ قىزمەتٸن تەكسەرٸپ, مەملەكەتتٸك قىزمەت بارىسىندا مەكەمەلەرگە كەلگەن 305 مەملەكەتتٸك قىزمەتكەردٸ انىقتاعانى ايتىلعان. ولار قۇمار ويىندارعا 507 ميلليون تەڭگە جۇمساعان.
انىقتالعان مەملەكەتتٸك قىزمەتشٸلەر اراسىندا:
- ٸشكٸ ٸستەر مينيسترلٸگٸ - 97;
- قورعانىس مينيسترلٸگٸ - 95;
- قارجى مينيسترلٸگٸ - 25;
- جوعارعى سوت - 7;
- قارجى مونيتورينگٸ ورگاندارى - 15;
- سىبايلاس جەمقورلىققا قارسى ٸس-قيمىل ورگاندارى - 3;
- ەكٸمدٸكتەر - 36;
- باسقا دا مەملەكەتتٸك ورگاندار - 27.
پروكۋرورلار مەملەكەتتٸك قىزمەتكەرلەردٸڭ قۇمار ويىندارعا جۇمساعان اقشاسىنىڭ شىعۋ تەگٸن تەكسەرۋگە شاقىردى.
"وسى مەن-جايلار مەملەكەتتٸك ورگانداردىڭ سىبايلاس جەمقورلىققا قارسى ٸس-قيمىل جٷيەسٸندەگٸ, سىبايلاس جەمقورلىققا قارسى مونيتورينگ پەن سىبايلاس جەمقورلىق تەۋەكەلدەرٸن تالداۋدىڭ تيٸستٸ دەڭگەيدە جٷرگٸزٸلمەۋٸن كٶرسەتەدٸ", - دەدٸ پروكۋراتۋرا ٶكٸلدەرٸ.
