.jpg)
Foto: Kompaniianyń baspasóz qyzmeti
Qazaqstandyq INK Architects kompaniiasynyń sáýletshiler toby el tarihynda alǵash ret Dýbaida aýqymdy kópqabatty turǵyn úi keshenin jobalaýǵa qatysty. Azizi Milan jobasy aiasynda mamandar biiktigi 48 jáne 25 qabatty, jalpy kólemi 70 000 sharshy metrden asatyn eki munaranyń jobasyn ázirledi.Keshen Birikken Arab Ámirlikterindegi eń iri turǵyn úi jobalarynyń biri bolmaq, dep habarlaidy Ult.kz.
Bas jospardyń tanystyrylýy Dýbaida ótip, oǵan 10 myńnan astam qonaq keldi.
«Jobanyń biregeiligi – sáýlet bóliginde bizdiń eldiń komandasy mańyzdy rólge ie bolǵan, qazaqstandyq sáýlet tarihyndaǵy Ámirlikterde salynǵan alǵashqy 48 qabatty záýlim ǵimarat. Tipti Qazaqstannyń ózinde de qazaqstandyq firmalar jobalaǵan mundai kólemdegi záýlim úiler joq. Jobanyń sáýlettik bóligin barlyq halyqaralyq standarttarǵa sáikes INK Architects jáne aǵylshyn tilinde, qurylys salýshynyń talaptary men tehnikalyq tapsyramalaryna sáikes BIM kómegimen ázirledi», - dep atap ótti INK Architects negizin qalaýshy jáne bas sáýletshisi Nurlan Qamitov.
25-qabatty munarany jobalaýdaǵy negizgi syni máselelerdiń biri - tyǵyz qalalyq ortada shekteýli alańda avtoturaq júiesin sheshý boldy. Sáýletshiler atiptik jáne tehnikalyq turǵydan kúrdeli sheshimdi qoldandy: barlyq avtoturaq, avtomobilder jol boiyna kólbeý ornalastyrylatyn, úzdiksiz pandýs túrinde uiymdastyrylǵan. Bul keńistikti paidalaný tiimdiligin arttyrýǵa múmkindik berdi — bir avtoturaq ornyna 39 sharshy metr, oǵan júrý joldary men qurylymdyq elementterdiń úlesi de kiredi.
Eki munaranyń sáýlettik tujyrymdamasy men jumys qujattamasyn ázirleýge bes aiǵa jýyq ýaqyt ketti. Barlyq arhitektýralyq sheshimderdi INC Architects toby oryndady.
Nurlan Kamitov negizin qalaǵan INK Architects Qazaqstandaǵy tolyq servistik qyzmet kórsetetin jetekshi sáýlet firmalarynyń biri bolyp tabylady. Onyń basshylyǵymen 20 jyl boiy jumys istegende ártúrli maqsattaǵy 10 million sharshy metrden astam nysandar: turǵyn úi jáne kópfýnktsionaldy keshender, qonaq úiler, mádeni mekemeler, qoǵamdyq jáne saýda alańdary iske asyryldy. Biýro portfoliosynda 600-den astam joba bar. Kásiporynda 100 maman jumys isteidi.
Foto: Kompaniianyń baspasóz qyzmeti
INK Architects kompaniiasynyń kórnekti jobalarynyń qatarynda bes juldyzdy Hilton Expo Astana qonaq úii, Astanadaǵy Qazaqstan jeńil atletika ortalyǵy, sondai-aq Qazaqstanda jáne odan tys jerlerde ondaǵan aýqymdy jobalar bar.
Nurlan Qamitov – Britandyq sáýletshiler Koroldik institýtynyń (RIBA), Amerika sáýletshiler institýtynyń (AIA) qurmetti múshesi, Máskeýdegi Halyqaralyq sáýlet akademiiasynyń professory jáne korrespondent-múshesi. Memlekettik «Qurmet» ordenimen marapattalyp, «Jyl kásipkeri – 2023» ulttyq baiqaýynyń «Qazaqstanda jasalǵan» nominatsiiasynyń jeńimpazy.
