قازاقستاندىق سەۋلەتشٸلەر العاش رەت دۋبايدا زەۋلٸم عيماراتتاردىڭ جوباسىن جاسادى

فوتو: كومپانييانىڭ باسپاسٶز قىزمەتٸ

قازاقستاندىق INK Architects كومپانيياسىنىڭ سەۋلەتشٸلەر توبى ەل تاريحىندا العاش رەت دۋبايدا اۋقىمدى كٶپقاباتتى تۇرعىن ٷي كەشەنٸن جوبالاۋعا قاتىستى. Azizi Milan جوباسى اياسىندا ماماندار بيٸكتٸگٸ 48 جەنە 25 قاباتتى, جالپى كٶلەمٸ 70 000 شارشى مەتردەن اساتىن ەكٸ مۇنارانىڭ جوباسىن  ەزٸرلەدٸ.كەشەن بٸرٸككەن اراب ەمٸرلٸكتەرٸندەگٸ ەڭ ٸرٸ تۇرعىن ٷي جوبالارىنىڭ بٸرٸ بولماق, دەپ حابارلايدى Ult.kz.

باس جوسپاردىڭ تانىستىرىلۋى دۋبايدا ٶتٸپ, وعان 10 مىڭنان استام قوناق كەلدٸ.

 «جوبانىڭ بٸرەگەيلٸگٸ – سەۋلەت بٶلٸگٸندە بٸزدٸڭ ەلدٸڭ كومانداسى ماڭىزدى رٶلگە يە بولعان, قازاقستاندىق سەۋلەت تاريحىنداعى ەمٸرلٸكتەردە سالىنعان العاشقى 48 قاباتتى زەۋلٸم عيمارات. تٸپتٸ قازاقستاننىڭ ٶزٸندە دە قازاقستاندىق فيرمالار جوبالاعان مۇنداي كٶلەمدەگٸ زەۋلٸم ٷيلەر جوق. جوبانىڭ سەۋلەتتٸك بٶلٸگٸن بارلىق حالىقارالىق ستاندارتتارعا سەيكەس INK Architects جەنە اعىلشىن تٸلٸندە, قۇرىلىس سالۋشىنىڭ تالاپتارى مەن تەحنيكالىق تاپسىرامالارىنا سەيكەس BIM كٶمەگٸمەن ەزٸرلەدٸ», - دەپ اتاپ ٶتتٸ INK Architects نەگٸزٸن قالاۋشى جەنە باس سەۋلەتشٸسٸ نۇرلان قاميتوۆ.

25-قاباتتى مۇنارانى جوبالاۋداعى  نەگٸزگٸ سىني مەسەلەلەردٸڭ بٸرٸ -  تىعىز قالالىق ورتادا شەكتەۋلٸ الاڭدا اۆتوتۇراق جٷيەسٸن شەشۋ بولدى. سەۋلەتشٸلەر اتيپتٸك جەنە تەحنيكالىق تۇرعىدان كٷردەلٸ شەشٸمدٸ قولداندى: بارلىق اۆتوتۇراق, اۆتوموبيلدەر جول بويىنا كٶلبەۋ ورنالاستىرىلاتىن, ٷزدٸكسٸز پاندۋس تٷرٸندە ۇيىمداستىرىلعان. بۇل كەڭٸستٸكتٸ پايدالانۋ تيٸمدٸلٸگٸن ارتتىرۋعا مٷمكٸندٸك بەردٸ — بٸر اۆتوتۇراق ورنىنا 39 شارشى مەتر, وعان جٷرۋ جولدارى مەن قۇرىلىمدىق ەلەمەنتتەردٸڭ ٷلەسٸ دە كٸرەدٸ.

ەكٸ مۇنارانىڭ سەۋلەتتٸك تۇجىرىمداماسى مەن جۇمىس قۇجاتتاماسىن ەزٸرلەۋگە بەس ايعا جۋىق ۋاقىت كەتتٸ. بارلىق ارحيتەكتۋرالىق شەشٸمدەردٸ INC Architects توبى ورىندادى.

نۇرلان كاميتوۆ نەگٸزٸن قالاعان INK Architects قازاقستانداعى تولىق سەرۆيستٸك قىزمەت كٶرسەتەتٸن جەتەكشٸ سەۋلەت فيرمالارىنىڭ بٸرٸ بولىپ تابىلادى. ونىڭ باسشىلىعىمەن 20 جىل بويى جۇمىس ٸستەگەندە ەرتٷرلٸ ماقساتتاعى 10 ميلليون شارشى مەتردەن استام نىساندار: تۇرعىن ٷي جەنە كٶپفۋنكتسيونالدى كەشەندەر, قوناق ٷيلەر, مەدەني مەكەمەلەر, قوعامدىق جەنە ساۋدا الاڭدارى ٸسكە اسىرىلدى. بيۋرو پورتفوليوسىندا 600-دەن استام جوبا بار. كەسٸپورىندا 100 مامان جۇمىس ٸستەيدٸ.

فوتو: كومپانييانىڭ باسپاسٶز قىزمەتٸ

INK Architects كومپانيياسىنىڭ كٶرنەكتٸ جوبالارىنىڭ قاتارىندا بەس جۇلدىزدى Hilton Expo Astana قوناق ٷيٸ, استاناداعى Qazaqstan جەڭٸل اتلەتيكا ورتالىعى, سونداي-اق قازاقستاندا جەنە ودان تىس جەرلەردە ونداعان اۋقىمدى جوبالار بار.

نۇرلان قاميتوۆ – بريتاندىق سەۋلەتشٸلەر كورولدٸك ينستيتۋتىنىڭ (RIBA), امەريكا سەۋلەتشٸلەر ينستيتۋتىنىڭ (AIA) قۇرمەتتٸ مٷشەسٸ, مەسكەۋدەگٸ حالىقارالىق سەۋلەت اكادەميياسىنىڭ پروفەسسورى جەنە كوررەسپوندەنت-مٷشەسٸ. مەملەكەتتٸك «قۇرمەت» وردەنٸمەن ماراپاتتالىپ, «جىل كەسٸپكەرٸ – 2023» ۇلتتىق بايقاۋىنىڭ «قازاقستاندا جاسالعان» نوميناتسيياسىنىڭ جەڭٸمپازى.