Qazaqstan komandasy 22 qarasha kúni Tailandta sadaq atýdan ótetin litsenziialyq Aziia chempionatyna qatysady, dep habarlaidy "Ult aqparat" Olympic.kz saityna silteme jasap.
Tailandtaǵy týrnirde negizinen qyzdar komandasy joldamaǵa talasady. Atap aitar bolsaq, Alina Iliasova, Anastasiia Bannova jáne Farida Týkebaevalar klassikalyq sadaq atý boiynsha Tokio oiyndarynyń litsenziiasyn ielenýge tyrysady.
Erler komandasy Niderlandta ótken álem chempionatynda altylyqqa enip, joldama máselesin sheship qoiǵan bolatyn.
21 qarasha kúni Tailandtyń Pattaiia qalasynda Qazaqstan quramasy eki aptaǵa sozylǵan oqý-jattyǵý jiynyn aiaqtaidy. Al Aziia chempionatynda tómendegi sportshylar synǵa túsedi: Klassikalyq sadaq atý, erler: Ilfat Abdýllin, Sanjar Musaev, Denis Gankin, Sultan Dúzelbaev; Klassikalyq sadaq atý, áielder: Alina Iliasova, Farida Týkebaeva, Anastasiia Bannova, Gaýhar Igibaeva; Bloktyq sadaq atý, erler: Aqbaráli Qarabaev, Rústem Qarabaev, Sergei Hristich, Býned Mirzametov; Bloktyq sadaq atý, áielder: Diana Makarchýk, Adel Jeksenbinova, Mariia Ómirzaqova, Viktoriia Lian.
