Atyraý oblysyndaǵy biriktirilgen gaz-himiia kesheniniń polipropilen ónimderiniń 90% eksportqa shyǵarylatyn bolady. Bul týraly jýrnalisterge bergen suhbatynda «Samuryq-Qazyna» AQ basqarma tóraǵasy Ómirzaq Shókeev málimdedi.
«Qazirgi kezde iske asyrýdyń belsendi satysynda – polipropilen óndirý jobasy. Zaýytty iske qosý 2020 jyldyń sońyna josparlanyp otyr. Shyǵarylǵan óimderdiń 90% eksportqa jóneltiletin bolady, 10% ishki óndiristi damytý úshin Qazaqstanda qalady», - dep qor basshysy himiia ónerkásibin damytý týraly áńgimesinde aityp ótti.
Zaýyt munai-himiia ónerkásibin damytýdyń úkimettik baǵdarlamasy aiasynda ázirlengen «Atyraý oblysyndaǵy integratsiialanǵan gaz-himiia kesheniniń qurylysy» jobasynyń bir bóligi bolyp tabylady.
Atyraý munai-himiia klasteri bazalyq ónimderi: polipropilen, polietilen shyǵarýmen qatar, kómirsýtekti shikizattardy tereń óńdeýdi kózdeidi. Jobalardyń jalpy quny 10 mlrd dollarǵa deiin baǵalanady.
«Osy túpki ónimder - polipropilen, polietilen tóńireginde odan ári óńdeletin polimer ónimderiniń 50-den astam túrin shyǵarý josparlanyp otyrǵan, shaǵyn jáne orta biznes kásiporyndaryn qurýǵa bolady», - dep esepteidi Ó. Shókeev.
Jobany Qazaqstanda himiia ónerkásibin jańǵyrtý jáne osy saladaǵy innovatsiialyq jobalardy iske asyrý úshin arnaiy qurylǵan «Samuryq-Qazyna» qorynyń enshiles kompaniiasy «Birikken himiialyq kompaniia» JShS júzege asyrýda.
.jpeg)