Foto: Úkimet
Aýyl sharýashylyǵy ministrligi eksporttyń jańa baǵyttaryn ashý boiynsha belsendi jumys júrgizip keledi. 7 elmen júrgizilgen kelissózder nátijesinde 16 veterinariialyq sertifikatqa qol qoiyldy, dep habarlaidy Ult.kz.
Úkimet jumysyn qorytyndylaýǵa arnalǵan baspasóz konferentsiiasynda aýyl sharýashylyǵy ministri Aidarbek Saparov saýda diplomatiiasyndaǵy jetistikter týraly aitty.
Jańa naryqtarǵa qoljetimdiliktiń arqasynda 10 aida siyr etiniń eksporty 30,2 myń tonnaǵa (ósim 1,7 ese), al qoi eti – 25,5 myń tonnaǵa (ósim 1,9 ese) jetti. Ázerbaijan (mal sharýashylyǵy ónimderi), Mońǵoliia (usaq mal), Marokko (jem), Iran (teri) jáne EO (bal) naryqtary ashyldy.
Qazirgi ýaqytta Japoniiaǵa, Ońtústik Koreiaǵa, BAÁ elderine et pen sút jetkizý máselesi pysyqtalýda. Qatar men Ulybritaniiamen bal eksporty, al Ekvadormen birge artemiia asshaian ýyldyryqtaryn jetkizý talqylanýda.
«Mundai ósim sapaly qazaqstandyq etke degen joǵary suranysqa negizdelgen. Biz qosylǵan quny joǵary ónimdi ótkizýdi qamtamasyz etý úshin baǵyttardy ártaraptandyrýdy jalǵastyramyz», — dedi Aidarbek Saparov.
