Indýstrializatsiia jyldarynda óńdeý sektoryndaǵy kásiporyndar eksport geografiiasyn 131 memleketke jetkizgen, dep habarlaidy "Ult aqparat".
«Óńdeý ónerkásibi salasyndaǵy kásiporyndardyń eksportqa baǵdarlanýy – salany damytýdyń negizgi sharty. Qazaqstanda 2019 jyly óńdeý sektorynyń eksporty 15,8 mlrd dollardy (2009 jyly 12 mlrd dollar) quraǵan bolatyn. Onyń ishinde metallýrgiia salasynda 10 mlrd dollardyń (65,7 paiyz), munai óńdeý salasynda 1,8 mlrd dollardyń (12 paiyz), kólik quraý salasynda 1,2 mlrd dollardyń (7,9 paiyz), azyq-túlik ónimin óndirý salasynda 1,1 mlrd dollardyń (7,2 paiyz), himiialyq ónerkásip salasynda 0,9 mlrd dollardyń (5,8 paiyz) ónimi eksporttaldy», - dep habarlaidy Indýstriia jáne infraqurylymdyq damý ministrliginen.
Sonymen qatar byltyr óńdeý ónerkásibiniń eksporttaǵy úlesi 27,3 paiyzdy quraǵan.
«Indýstrializatsiia jyldarynda óńdeý sektoryndaǵy kásiporyndar eksport geografiiasyn 131 memleketke deiin arttyrdy. Qazaqstandyq ónimder Aziiaǵa (6,6 mlrd dollar, 42%), EAEO elderine (3,7 mlrd dollar, 24%), Eýropalyq odaq elderine (2 mlrd dollar, 13%), TMD (1,9 mlrd dollar, 12%), Amerikaǵa (0,7 mlrd dollar, 4%) shyǵarylady. 10 jyldyń ishinde óńdeý ónerkásibi ónimderiniń eksporty farmatsevtikalyq salada 3,9 ese, kólik-quraý salasynda 2,9 ese, himiialyq ónerkásip salasynda 2,8 ese, metallýrgiiada 1,2 ese artty», - delingen habarlamada.
