قازاقستاندىق ٶنٸم ەلەمنٸڭ قانشا مەملەكەتٸنە ەكسپورتتالادى?

يندۋسترياليزاتسييا جىلدارىندا ٶڭدەۋ سەكتورىنداعى كەسٸپورىندار ەكسپورت گەوگرافيياسىن 131 مەملەكەتكە جەتكٸزگەن, دەپ حابارلايدى "ۇلت اقپارات".

«ٶڭدەۋ ٶنەركەسٸبٸ سالاسىنداعى كەسٸپورىنداردىڭ ەكسپورتقا باعدارلانۋى – سالانى دامىتۋدىڭ نەگٸزگٸ شارتى. قازاقستاندا 2019 جىلى ٶڭدەۋ سەكتورىنىڭ ەكسپورتى 15,8 ملرد دوللاردى (2009 جىلى 12 ملرد دوللار) قۇراعان بولاتىن. ونىڭ ٸشٸندە مەتاللۋرگييا سالاسىندا 10 ملرد دوللاردىڭ (65,7 پايىز), مۇناي ٶڭدەۋ سالاسىندا 1,8 ملرد دوللاردىڭ (12 پايىز), كٶلٸك قۇراۋ سالاسىندا 1,2 ملرد دوللاردىڭ (7,9 پايىز), ازىق-تٷلٸك ٶنٸمٸن ٶندٸرۋ سالاسىندا 1,1 ملرد دوللاردىڭ (7,2 پايىز), حيمييالىق ٶنەركەسٸپ سالاسىندا 0,9 ملرد دوللاردىڭ (5,8 پايىز) ٶنٸمٸ ەكسپورتتالدى», - دەپ حابارلايدى يندۋسترييا جەنە ينفراقۇرىلىمدىق دامۋ مينيسترلٸگٸنەن.

سونىمەن قاتار بىلتىر ٶڭدەۋ ٶنەركەسٸبٸنٸڭ ەكسپورتتاعى ٷلەسٸ 27,3 پايىزدى قۇراعان.

«يندۋسترياليزاتسييا جىلدارىندا ٶڭدەۋ سەكتورىنداعى كەسٸپورىندار ەكسپورت گەوگرافيياسىن 131 مەملەكەتكە دەيٸن ارتتىردى. قازاقستاندىق ٶنٸمدەر ازيياعا (6,6 ملرد دوللار, 42%), ەاەو ەلدەرٸنە (3,7 ملرد دوللار, 24%), ەۋروپالىق وداق ەلدەرٸنە (2 ملرد دوللار, 13%), تمد (1,9 ملرد دوللار, 12%), امەريكاعا (0,7 ملرد دوللار, 4%) شىعارىلادى. 10 جىلدىڭ ٸشٸندە ٶڭدەۋ ٶنەركەسٸبٸ ٶنٸمدەرٸنٸڭ ەكسپورتى فارماتسەۆتيكالىق سالادا 3,9 ەسە, كٶلٸك-قۇراۋ سالاسىندا 2,9 ەسە, حيمييالىق ٶنەركەسٸپ سالاسىندا 2,8 ەسە, مەتاللۋرگييادا 1,2 ەسە ارتتى», - دەلٸنگەن حابارلامادا.