Qazaqstan Respýblikasyndaǵy Adam quqyqtary jónindegi ýákil Asqar Shákirov Jidda qalasyna (Saýd Araviiasy) jumys sapary sheńberinde Islam yntymaqtastyǵy uiymynyń Bas hatshysynyń orynbasary Hamid Opeloirýmen ekijaqty kelissóz ótkizdi.
Ombýdsmenniń baspasóz qyzmetinen málim etkendei, kezdesý barysynda qazirgi syn-qaterler boiynsha islam áleminde adam quqyqtaryn qorǵaý jáne atalmysh protseste IYU-nyń róli boiynsha ózekti máseleler talqylandy.
A. Shákirov iske asyrylǵan konstitýtsiialyq reformanyń, Qazaqstan damýynyń keń aýqymdy baǵdarlamalarynyń máni, sondai-aq aldaǵy Prezidenttik sailaýǵa qatysty habardar etti.
H. Opeloirý Qazaqstannyń jan-jaqty jetistikteri men IYU qyzmeti sheńberinde onyń tiimdi rólin joǵary baǵalady. Ol aldaǵy sailaýda qadaǵalaýshy retinde, sondai-aq biylǵy XII Astanalyq ekonomikalyq forým jumysyna uiymnyń joǵary ókilderi qatysatynyn rastady.
Jidda qalasynda qazaqstandyq Ombýdsmen IYU Adam quqyqtary jónindegi Táýelsiz turaqty komissiiasynyń sessiiasyna qatysýda. Atalmysh organ Astana qalasynda 2011 jyldyń maýsym aiynda IYU Syrtqy ister ministrleri Keńesiniń 38-sessiiasynda quryldy.
