قازاقستان رەسپۋبليكاسىنداعى ادام قۇقىقتارى جٶنٸندەگٸ ۋەكٸل اسقار شەكٸروۆ جيددا قالاسىنا (ساۋد اراۆيياسى) جۇمىس ساپارى شەڭبەرٸندە يسلام ىنتىماقتاستىعى ۇيىمىنىڭ باس حاتشىسىنىڭ ورىنباسارى حاميد وپەلويرۋمەن ەكٸجاقتى كەلٸسسٶز ٶتكٸزدٸ.
ومبۋدسمەننٸڭ باسپاسٶز قىزمەتٸنەن مەلٸم ەتكەندەي, كەزدەسۋ بارىسىندا قازٸرگٸ سىن-قاتەرلەر بويىنشا يسلام ەلەمٸندە ادام قۇقىقتارىن قورعاۋ جەنە اتالمىش پروتسەستە يىۇ-نىڭ رٶلٸ بويىنشا ٶزەكتٸ مەسەلەلەر تالقىلاندى.
ا. شەكٸروۆ ٸسكە اسىرىلعان كونستيتۋتسييالىق رەفورمانىڭ, قازاقستان دامۋىنىڭ كەڭ اۋقىمدى باعدارلامالارىنىڭ مەنٸ, سونداي-اق الداعى پرەزيدەنتتٸك سايلاۋعا قاتىستى حاباردار ەتتٸ.
ح. وپەلويرۋ قازاقستاننىڭ جان-جاقتى جەتٸستٸكتەرٸ مەن يىۇ قىزمەتٸ شەڭبەرٸندە ونىڭ تيٸمدٸ رٶلٸن جوعارى باعالادى. ول الداعى سايلاۋدا قاداعالاۋشى رەتٸندە, سونداي-اق بيىلعى XII استانالىق ەكونوميكالىق فورۋم جۇمىسىنا ۇيىمنىڭ جوعارى ٶكٸلدەرٸ قاتىساتىنىن راستادى.
جيددا قالاسىندا قازاقستاندىق ومبۋدسمەن يىۇ ادام قۇقىقتارى جٶنٸندەگٸ تەۋەلسٸز تۇراقتى كوميسسيياسىنىڭ سەسسيياسىنا قاتىسۋدا. اتالمىش ورگان استانا قالاسىندا 2011 جىلدىڭ ماۋسىم ايىندا يىۇ سىرتقى ٸستەر مينيسترلەرٸ كەڭەسٸنٸڭ 38-سەسسيياسىندا قۇرىلدى.
