Fristail-mogýldan Qazaqstan komandasy Qytaida Olimpida qarsańyndaǵy jattyǵýǵa kiristi, dep habarlaidy Olympic.kz.
Mogýlshylar taýda ornalasqan Chjantsziakoý qalashaǵynda ornalasqan ári sol jerde jattyǵý jasaidy. Bul olimpiadalyq kartadaǵy eń qashyq klaster bolyp sanalady.
Sporttyń bul túrinen Qazaqstan namysyn Iýliia Galysheva, Aiaýlym Ámirenova, Anastasiia Gorodko, Olesia Graýr, Pavel Kolmakov jáne Dmitrii Reiherd qorǵaidy.
«Búgin komanda daiyndyqty bastady. Munda kún salqyn, qalyń qar jaýyp tur, jel de bar. Búgin birinshi jattyǵýdy ótkizdik. Olar endi ǵana boi úiretip jatyr. Sondyqtan, biz búgin jarys jolyn synap kórdi desek, artyq emes. Jarys joly óte qiyn. Videony qaita qarap, saraptaityn bolamyz. Sodan soń árbir sportshy ózi túsetin jolaqty tańdaidy», - dedi fristail-mogýldan Qazaqstan komandasynyń bas bapkeri Elena Krýglyhina.
Sondai-aq, bas bapker sportshylardyń olimpiadalyq aýylǵa tolyq jaiǵasqanyn atap ótti. Aita ketelik, Qazaqstan sapynan alǵash bolyp jarysty mogýlshylar bastaidy. Irikteý syny 3 aqpanda, ashylý saltanatynan buryn bastalady.
Chjantsziakoý klasterinde fristail, shańǵymen tuǵyrdan sekirý, biatlon, shańǵy, shańǵy qossaiysynan komandalar ornalasqan.
