فريستايل-موگۋلدان قازاقستان كومانداسى قىتايدا وليمپيدا قارساڭىنداعى جاتتىعۋعا كٸرٸستٸ, دەپ حابارلايدى Olympic.kz.
موگۋلشىلار تاۋدا ورنالاسقان چجانتسزياكوۋ قالاشاعىندا ورنالاسقان ەرٸ سول جەردە جاتتىعۋ جاسايدى. بۇل وليمپيادالىق كارتاداعى ەڭ قاشىق كلاستەر بولىپ سانالادى.
سپورتتىڭ بۇل تٷرٸنەن قازاقستان نامىسىن يۋلييا گالىشەۆا, اياۋلىم ەمٸرەنوۆا, اناستاسييا گورودكو, ولەسيا گراۋر, پاۆەل كولماكوۆ جەنە دميتريي رەيحەرد قورعايدى.
«بٷگٸن كوماندا دايىندىقتى باستادى. مۇندا كٷن سالقىن, قالىڭ قار جاۋىپ تۇر, جەل دە بار. بٷگٸن بٸرٸنشٸ جاتتىعۋدى ٶتكٸزدٸك. ولار ەندٸ عانا بوي ٷيرەتٸپ جاتىر. سوندىقتان, بٸز بٷگٸن جارىس جولىن سىناپ كٶردٸ دەسەك, ارتىق ەمەس. جارىس جولى ٶتە قيىن. ۆيدەونى قايتا قاراپ, ساراپتايتىن بولامىز. سودان سوڭ ەربٸر سپورتشى ٶزٸ تٷسەتٸن جولاقتى تاڭدايدى», - دەدٸ فريستايل-موگۋلدان قازاقستان كومانداسىنىڭ باس باپكەرٸ ەلەنا كرۋگلىحينا.
سونداي-اق, باس باپكەر سپورتشىلاردىڭ وليمپيادالىق اۋىلعا تولىق جايعاسقانىن اتاپ ٶتتٸ. ايتا كەتەلٸك, قازاقستان ساپىنان العاش بولىپ جارىستى موگۋلشىلار باستايدى. ٸرٸكتەۋ سىنى 3 اقپاندا, اشىلۋ سالتاناتىنان بۇرىن باستالادى.
چجانتسزياكوۋ كلاستەرٸندە فريستايل, شاڭعىمەن تۇعىردان سەكٸرۋ, بياتلون, شاڭعى, شاڭعى قوسسايىسىنان كوماندالار ورنالاسقان.
