Foto: lipki.capital
Memlekettik kirister komiteti shetelde jyljymaityn múlki men esepshottary bar memlekettik qyzmetshiler men olardyń jubailary týraly derekterdi usyndy.
2021 jyldyń 1 qańtarynan bastap deklaratsiiany tapsyrǵandar:
- jaýapty memlekettik laýazymdy atqaratyn adamdar jáne olardyń jubailary;
- memlekettik fýnktsiialardy oryndaýǵa ýákilettik berilgen adamdar jáne olardyń jubailary;
- memlekettik fýnktsiialardy oryndaýǵa ýákilettik berilgen adamdarǵa teńestirilgen adamdar jáne olardyń jubailary;
- "Sailaý týraly" konstitýtsiialyq zańǵa jáne "Sybailas jemqorlyqqa qarsy is-qimyl týraly", "Bankter jáne bank qyzmeti týraly", "Saqtandyrý qyzmeti týraly", "Ortalyq bank naryǵy týraly" zańdarǵa sáikes usyný mindeti júktelgen tulǵalar.
Komitet málimetinshe, 2021 jylǵy 31 jeltoqsandaǵy jaǵdai boiynsha 354 jeke tulǵanyń 59 eldiń bankterinde shottary bar.
"Bank shottarynyń eń kóp sany Resei Federatsiiasynda, Amerika Qurama Shtattarynda jáne Shveitsariiada ashylǵan. 494 jeke tulǵa Qazaqstan Respýblikasynan tysqary jerde 26 elde 666 jyljymaityn múlikti jariialady, onyń ishinde 436 jyljymaityn múlik Reseide, 44 - BAÁ-de, 38 - Túrkiiada", - dep habarlady salyq basqarmasy.
Memlekettik kirister komiteti málimeti boiynsha, 49 elde 1030 jeke tulǵa 1198 kólik quralyn deklaratsiialaǵan, onyń ishinde Reseide - 292, Armeniiada - 235, Japoniiada - 221, Germaniiada - 162.
"47 jeke tulǵa bizdiń elden tys, Reseide, Kiprde jáne BAÁ-de 57 zańdy tulǵada úleske ie", - delingen habarlamada.
1585 jeke tulǵa 11 elde 1603 jyljymaityn múliktiń qurylysyna qatysyn kórsetti, onyń 1568-i Qazaqstanda.
"116 adam investitsiialyq altyn baryn jariialady, 25 elde 918 adam baǵaly qaǵazdaryn jariialady, 608 adamnyń 635 pailyq investitsiialyq qordaǵy úlesi bar. 212 adamnyń 218 ziiatkerlik menshik jáne avtorlyq quqyq obektisi bar", - dep habarlady Memlekettik kirister komiteti.
Sondai-aq, salyq derekteri boiynsha 355 adamnyń debitorlyq qaryzy bar. 578 adamnyń kreditorlyq bereshegi bar.
"Sybailas jemqorlyqqa qarsy is-qimyl týraly zańǵa sáikes jeke tulǵalardyń deklaratsiiasyn tapsyrýǵa jaýapty tulǵalar aktivteri men mindettemeleri týraly deklaratsiiaǵa qosymshalarda múlikti senimgerlik basqarýǵa berý týraly málimetterdi de kórsetedi. 1 704 jeke tulǵa 2 327 nysandy senimgerlik basqarýǵa berdi", - dep qorytyndylady vedomstvo.
