Foto: QR TJM
Aýǵanstanǵa attanǵan Qazaqstan TJM-niń 45 qyzmetkeri elge oralýǵa daiyndalyp jatyr, dep habarlaidy "Ult aqparat" Tótenshe jaǵdai ministrliginiń baspasóz qyzmetine silteme jasap.
"Bólingen ýchaskedegi izdestirý-qutqarý jumystarynyń tolyq kóleminiń aiaqtalýyna bailanysty joiqyn jer silkinisiniń saldaryn joiýǵa kómek kórsetý úshin jiberilgen qazaqstandyq qutqarýshylar jasaǵyn qaitarý týraly sheshim qabyldandy.
Aýǵanstanda qutqarý jumystary bastalǵaly beri qazaqstandyq qutqarýshylar qaza tapqan 1 balanyń denesin alyp shyqty, 80 jergilikti turǵynǵa meditsinalyq kómek kórsetildi, 211 úi fragmentiniń úiindisin bólshektedi, Naibrofi eldi mekenindegi 700 qiraǵan úidiń ýchaskesi tekserildi" - delingen habarlamada.
Vedomstvo málimetinshe, qutqarýshylar qatty shańdy daýyldan qiraǵan shatyrly qalany teksergen. Jergilikti biliktiń ótinishi boiynsha qazaqstandyq qutqarýshylar men dárigerlerdiń jedel toby diplomatiialyq korpýs ókilderimen birlesip, 9 shatyrly qalashyqtyń ornalasý oryndaryna tekserý júrgizgen.
Qazaqstan TJM kúshteri men quraldaryn qaitarý 14 qazanǵa josparlanǵan.
