فوتو: قر تجم
اۋعانستانعا اتتانعان قازاقستان تجم-نٸڭ 45 قىزمەتكەرٸ ەلگە ورالۋعا دايىندالىپ جاتىر, دەپ حابارلايدى "ۇلت اقپارات" تٶتەنشە جاعداي مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
"بٶلٸنگەن ۋچاسكەدەگٸ ٸزدەستٸرۋ-قۇتقارۋ جۇمىستارىنىڭ تولىق كٶلەمٸنٸڭ اياقتالۋىنا بايلانىستى جويقىن جەر سٸلكٸنٸسٸنٸڭ سالدارىن جويۋعا كٶمەك كٶرسەتۋ ٷشٸن جٸبەرٸلگەن قازاقستاندىق قۇتقارۋشىلار جاساعىن قايتارۋ تۋرالى شەشٸم قابىلداندى.
اۋعانستاندا قۇتقارۋ جۇمىستارى باستالعالى بەرٸ قازاقستاندىق قۇتقارۋشىلار قازا تاپقان 1 بالانىڭ دەنەسٸن الىپ شىقتى, 80 جەرگٸلٸكتٸ تۇرعىنعا مەديتسينالىق كٶمەك كٶرسەتٸلدٸ, 211 ٷي فراگمەنتٸنٸڭ ٷيٸندٸسٸن بٶلشەكتەدٸ, نايبروفي ەلدٸ مەكەنٸندەگٸ 700 قيراعان ٷيدٸڭ ۋچاسكەسٸ تەكسەرٸلدٸ" - دەلٸنگەن حابارلامادا.
ۆەدومستۆو مەلٸمەتٸنشە, قۇتقارۋشىلار قاتتى شاڭدى داۋىلدان قيراعان شاتىرلى قالانى تەكسەرگەن. جەرگٸلٸكتٸ بيلٸكتٸڭ ٶتٸنٸشٸ بويىنشا قازاقستاندىق قۇتقارۋشىلار مەن دەرٸگەرلەردٸڭ جەدەل توبى ديپلوماتييالىق كورپۋس ٶكٸلدەرٸمەن بٸرلەسٸپ, 9 شاتىرلى قالاشىقتىڭ ورنالاسۋ ورىندارىنا تەكسەرۋ جٷرگٸزگەن.
قازاقستان تجم كٷشتەرٸ مەن قۇرالدارىن قايتارۋ 14 قازانعا جوسپارلانعان.
