QR Mádeniet jáne sport ministrligi Týrizm indýstriiasy komitetiniń tóraǵasy Dastan Rysbekov qazaqstandyq kýrorttarda demalyp jatqan týrister qandai talaptardy saqtaýy kerektigin aityp berdi, dep habarlaidy QazAqparat.
«Qazaqstandyq kýrorttarda demalyp jatqan barlyq týristerdiń nazaryna salǵym keledi: áleýmettik qashyqtyq saqtalyp, maska taǵý kerek. Belgilengen karantindik talaptardy ustanyp, demalys oryndaryn sheginen shyqpaǵan abzal. Toptaspaý sharalaryn qatań saqtaǵan durys. Eger biznes pen azamattar barlyq sanitarlyq norma men talaptardy saqtasa, elimiz karantinnen tez shyǵyp, osy qiyn sátterde barlyǵyna tótep bere alady», - dedi ol.
Eske sala ketsek, buǵan deiin Dastan Rysbekov Alakól men Býrabaiǵa demalýǵa baratyn otbasynyń kem degende bir múshesinde PTR-test anyqtamasy bolýy kerektigin eske salǵan edi.
