Qytaidyń Ýhan qalasynda ótip jatqan qazirgi bessaiystan litsenziialyq Aziia chempionatynda eki qazaqstandyq Olimpiadaǵa joldama aldy, dep habarlaidy "Ult aqparat".
QR Ulttyq Olimpiadalyq komitetiniń aqparatyna sáikes, qurlyq dodasynda erler men áielder arasyndaǵy jekelei syn aiaqtaldy. Jarys nátijesi boiynsha, Qazaqstan komandasynyń músheleri Elena Potapenko men Pavel Iliashenko Olimpiada joldamasyna qol jetkizdi.
«Elena Potapenko Aziia chempionatynan 12-shi oryn ielenip, Olimpiadaǵa joldama aldy. Olimpiadaǵa irikteý týrniriniń erejesine sáikes, qurlyq básekesinde 5 joldama sarapqa salyndy. Ár elden tek bir sportshy ǵana litsenziiaǵa úmitker bola alady. Potapenkonyń aldynda Ońtústik Koreianyń – tórt, Japoniia men Qytaidyń – úsh, Ózbekstannyń bir sportshysy bar. Osylaisha, Elena Potapenko #teamKZ qorjynynan 24-shi joldamany saldy. Erler arasynda Pavel Iliashenko tórtinshi oryn ielenip, Tokio oiyndaryna qatysý múmkindigin aldy», - delingen komitet málimetinde.
Aita keteiik, búgingi deiin Qazaqstan qorjynynda Tokio Olimpiadasyna 25 litsenziia bar. Atap aitsaq, Iýrii Iýrkov (nysana kózdeý), Sársenkúl Rysbekova (stend atý), Rishat Haibýllin (sporttyq quzǵa órmeleý), Dmitrii Balandin (100, 200 metrge brass ádisimen júzý), Olga Rypakova, Georgii Sheiko (jeńil atletika), Evgenii Gidich (velosport, litseniia komandaǵa beriledi), sadaq atýdan Qazaqstan erler komandasy (Denis Gankin, Ilfat Abdýllin, Sanjan Musaev; komandalyq jáne jekelei syn), Vitalii Hýdiakov (ashyq sýda júzý), Ekaterina jáne Aleksandra Nemich (sinhrondy júzý), Milad Karimi (sporttyq gimnastika), Valentina Islamova, Elmira Syzdyqova (áielder kúresi), Ashat Dilmuhamedov, Meirambek Ainaǵulov (grek-rim kúresi), Nurislam Sanaev, Dáýlet Niiazbekov, Daniiar Qaisanov, Álisher Erǵali (erkin kúres) joldama alǵan bolatyn.
