- Qazaqstandyq kompaniia Iran ken ornynan alǵashqy altynyn Qazaqstanǵa jetkizdi. Bul týraly búgin Úkimet otyrysynda QR Investitsiialar jáne damý ministrliginiń birinshi vitse-ministri Albert Raý málim etti.
«Tústi metallýrgiianyń ósimine óńdelmegen altyn óndirisiniń 19 paiyzǵa ósýi áser etti. Affinajdalǵan altyn kólemi de 19 paiyzǵa ósti. «Qazaqmys» affinaj altynyn ulǵaitty. Elde óndirilgen altynnyń túgeli óz elimizde, otandyq affinaj zaýyttarynda óńdeletinin aita ketkim keledi. Taǵy da atap ótetin jait - biz biyl Irannan altyndy alǵash ret jetkize bastadyq. Onyń kólemi ázirshe 125 keli. Iranda bizdiń otandyq kompaniia altyn óndirip jatyr. Jyl sońyna deiin taǵy 500 keli jetkizemiz dep boljap otyrmyz. Eger biz biyl jalpy 11 tonna shyǵarsaq, Irannan jetkizilgen 700 keli edáýir úles qosatynyn baiqaimyz. Kelesi jyly olar Irannyń 2 tonnaǵa deiin altynyn Qazaqstanda óńdeýdi josparlaýda», - dedi A. Raý.
Aǵymdaǵy jyldyń 9 aiynda óndiris kóleminiń damýyna toqtalǵan birinshi vitse-ministr, Údemeli indýstrialdyq-innovatsiialyq damý baǵdarlamasy aiasynda kórsetilgen memlekettik qoldaýdyń arqasynda óńdeýshi salada óndiris kólemi artyp otyrǵandyǵyn atap ótti.
«Metallýrgiiada óndiris kólemi 7,8 paiyzǵa ósken. Onyń ishinde qara metallýrgiia - 3 paiyz, tústi metall óndirisi - 10 paiyz. Qara metallýrgiianyń ósimine bolat óndirisiniń 10 paiyzǵa ósýi áser etti», - dedi ol.
Aliýminii óndirisi 14 paiyzǵa ósip otyr. Himiialyq ónerkásip 0,1 paiyzǵa ósim kórsetip otyr. Fosfattar men sary fosfor boiynsha óndiris tómendegen. Biraq ammiiak silitrasynyń 17 paiyzǵa ósýi baiqaldy. Farmatsevtika salasynyń óndirisi 2 paiyzǵa joǵarylady. Jeńil ónerkásip ósim 1 paiyzǵa artty.
.jpeg)