Qazaqstandyq qoǵamnyń ózgeristerge daiyndyq indeksi búginde óte joǵary. Qoǵamdyq sanany jańǵyrtý baǵdarlamasyn iske asyrý jónindegi Ulttyq komissiianyń onlain rejimde ótken otyrysynda QR Memlekettik hatshysy Qyrymbek Kósherbaev osylai dedi, dep habarlaidy "Ult aqparat".
Aita ketsek búgin Aqordada QR Memlekettik hatshysy Qyrymbek Kósherbaevtyń tóraǵalyǵymen Qoǵamdyq sanany jańǵyrtý baǵdarlamasyn iske asyrý jónindegi Ulttyq komissiianyń otyrysy onlain formatta ótkizilgen bolatyn. Otyrysta baǵdarlamany 2020 jyly iske asyrý nátijeleri jáne aldaǵy jumystyń jańa basym baǵyttary qarastyryldy. Keńes barysynda QR Aqparat jáne qoǵamdyq damý ministri A. Balaeva, QR Bilim jáne ǵylym ministri A. Aimaǵambetov, QR Mádeniet jáne sport ministri A. Raiymqulova atqarylǵan jumys jóninde baiandady.
Otyrys barysynda Qyrymbek Kósherbaev «Rýhani jańǵyrý» baǵdarlamasy Ulttyq jańǵyrýdyń ózegine ainalýy kerektigin aityp ótti.
«Adamzat balasy qazir kúrdeli transformatsiialyq kezeńdi basynan keshirýde. Bul kezeńnen naqty jospary, aiqyn maqsaty bar qoǵam ǵana jeńimpaz bolady. Biz bul indetti, daǵdarysty jańa damýdyń basy dep qaraýymyz kerek. Endigi kezekte «Rýhani jańǵyrý» baǵdarlamasy Ulttyq jańǵyrýdyń ózegine ainalýy tiis. Qazaqstandyq qoǵamnyń ózgeristerge daiyndyq indeksi búginde óte joǵary», - dep málimdedi QR Memlekettik hatshysy Qyrymbek Kósherbaev.
Otyrysta Qyrymbek Kósherbaev «Rýhani jańǵyrý» baǵdarlamasyn Ulttyq jańǵyrý kezeńine ótkizýdiń arnaiy Jol kartasyn jasaý týraly tapsyrma berdi. Qujat aýqymdy ulttyq joba retinde júrgiziledi. Ulttyq jańǵyrý jobasynyń eń basty máni – Ulttyń básekege qabilettiligin arttyrý.
«Bul – ulttyq jańǵyrýdyń strategiialyq maqsaty bolyp qalady. Jol kartasy aiasynda memlekettik til mártebesin arttyrý, joǵary ulttyq jáne jalpyadamzattyq qundylyqtar negizinde rýhani-adamgershilik jáne patriottyq tárbie berý, Eńbek adamyn qalyptastyrý, Aýyldy túletý siiaqty t.b keshendi is-sharalar qamtylady», - dedi ol.
Jol kartasynyń Elbasy men Prezident qoldaǵan nusqasyn Úkimet qaýlysymen bekitýdi jáne árbir memlekettik organǵa tiisti indikatorlardy otyrǵyzý tapsyryldy.
