قازاقستاندىق قوعامنىڭ ٶزگەرٸستەرگە دايىندىق يندەكسٸ بٷگٸندە ٶتە جوعارى. قوعامدىق سانانى جاڭعىرتۋ باعدارلاماسىن ٸسكە اسىرۋ جٶنٸندەگٸ ۇلتتىق كوميسسييانىڭ ونلاين رەجيمدە ٶتكەن وتىرىسىندا قر مەملەكەتتٸك حاتشىسى قىرىمبەك كٶشەرباەۆ وسىلاي دەدٸ, دەپ حابارلايدى "ۇلت اقپارات".
ايتا كەتسەك بٷگٸن اقوردادا قر مەملەكەتتٸك حاتشىسى قىرىمبەك كٶشەرباەۆتىڭ تٶراعالىعىمەن قوعامدىق سانانى جاڭعىرتۋ باعدارلاماسىن ٸسكە اسىرۋ جٶنٸندەگٸ ۇلتتىق كوميسسييانىڭ وتىرىسى ونلاين فورماتتا ٶتكٸزٸلگەن بولاتىن. وتىرىستا باعدارلامانى 2020 جىلى ٸسكە اسىرۋ نەتيجەلەرٸ جەنە الداعى جۇمىستىڭ جاڭا باسىم باعىتتارى قاراستىرىلدى. كەڭەس بارىسىندا قر اقپارات جەنە قوعامدىق دامۋ مينيسترٸ ا. بالاەۆا, قر بٸلٸم جەنە عىلىم مينيسترٸ ا. ايماعامبەتوۆ, قر مەدەنيەت جەنە سپورت مينيسترٸ ا. رايىمقۇلوۆا اتقارىلعان جۇمىس جٶنٸندە باياندادى.
وتىرىس بارىسىندا قىرىمبەك كٶشەرباەۆ «رۋحاني جاڭعىرۋ» باعدارلاماسى ۇلتتىق جاڭعىرۋدىڭ ٶزەگٸنە اينالۋى كەرەكتٸگٸن ايتىپ ٶتتٸ.
«ادامزات بالاسى قازٸر كٷردەلٸ ترانسفورماتسييالىق كەزەڭدٸ باسىنان كەشٸرۋدە. بۇل كەزەڭنەن ناقتى جوسپارى, ايقىن ماقساتى بار قوعام عانا جەڭٸمپاز بولادى. بٸز بۇل ٸندەتتٸ, داعدارىستى جاڭا دامۋدىڭ باسى دەپ قاراۋىمىز كەرەك. ەندٸگٸ كەزەكتە «رۋحاني جاڭعىرۋ» باعدارلاماسى ۇلتتىق جاڭعىرۋدىڭ ٶزەگٸنە اينالۋى تيٸس. قازاقستاندىق قوعامنىڭ ٶزگەرٸستەرگە دايىندىق يندەكسٸ بٷگٸندە ٶتە جوعارى», - دەپ مەلٸمدەدٸ قر مەملەكەتتٸك حاتشىسى قىرىمبەك كٶشەرباەۆ.
وتىرىستا قىرىمبەك كٶشەرباەۆ «رۋحاني جاڭعىرۋ» باعدارلاماسىن ۇلتتىق جاڭعىرۋ كەزەڭٸنە ٶتكٸزۋدٸڭ ارنايى جول كارتاسىن جاساۋ تۋرالى تاپسىرما بەردٸ. قۇجات اۋقىمدى ۇلتتىق جوبا رەتٸندە جٷرگٸزٸلەدٸ. ۇلتتىق جاڭعىرۋ جوباسىنىڭ ەڭ باستى مەنٸ – ۇلتتىڭ بەسەكەگە قابٸلەتتٸلٸگٸن ارتتىرۋ.
«بۇل – ۇلتتىق جاڭعىرۋدىڭ ستراتەگييالىق ماقساتى بولىپ قالادى. جول كارتاسى اياسىندا مەملەكەتتٸك تٸل مەرتەبەسٸن ارتتىرۋ, جوعارى ۇلتتىق جەنە جالپىادامزاتتىق قۇندىلىقتار نەگٸزٸندە رۋحاني-ادامگەرشٸلٸك جەنە پاتريوتتىق تەربيە بەرۋ, ەڭبەك ادامىن قالىپتاستىرۋ, اۋىلدى تٷلەتۋ سيياقتى ت.ب كەشەندٸ ٸس-شارالار قامتىلادى», - دەدٸ ول.
جول كارتاسىنىڭ ەلباسى مەن پرەزيدەنت قولداعان نۇسقاسىن ٷكٸمەت قاۋلىسىمەن بەكٸتۋدٸ جەنە ەربٸر مەملەكەتتٸك ورگانعا تيٸستٸ ينديكاتورلاردى وتىرعىزۋ تاپسىرىلدى.
