QR Premer-Ministriniń orynbasary – saýda jáne integratsiia ministri Baqyt Sultanov Ozon reseilik marketpleisiniń basqarýshy direktory Sergei Beliakovpen kezdesý ótkizdi, dep habarlaidy primeminister.kz saity.
Taraptar Qazaqstanda Ozon kompaniiasynyń damýyn, sondai-aq ózara is-qimyldyń ózekti máseleleri — salyq salý, elektrondyq qujat ainalymy jáne taǵy basqasyn talqylady.
«Qazaqstanda, búkil álemdegi sekildi, qazirgi tańda elektrondyq kommertsiia men marketpleister, onyń ishinde halyqaralyq alańdar belsendi túrde damyp jatyr. Qazaqstandyq óndirýshiler úshin bul el ishinde de, halyqaralyq naryqtarda da saýda kólemi men ótkizý geografiiasyn ulǵaitýdyń tamasha múmkindigi», — dedi Baqyt Sultanov.
Qazaqstandaǵy Ozon kompaniiasynyń qyzmeti eki negizgi baǵytta damityn bolady: logistikalyq infraqurylym qurý jáne qazaqstandyq kásipkerlerdi marketpleis platformasyna shyǵarý. 2021 jylǵy jeltoqsanda «QazTrade» AQ men Ozon arasynda Yntymaqtastyq týraly memorandýmǵa qol qoiyldy.
Ozon basqarýshy direktory Sergei Beliakov kompaniia óziniń logistikalyq qurylymyn respýblikada damytýdy josparlap otyrǵanyn málimdedi.
«Iri logistikalyq nysannyń ashylýy óńirden satýshylar sanyn orta eseppen 50% arttyrýǵa múmkindik beredi – olar taýardy satý alańyna tezirek ári arzan baǵada jetkize alady, sondai-aq tipti eldiń eń shalǵai aýdandaryndaǵy satyp alýshylar da óz tapsyrystaryn tezirek ala alady», — dep atap ótti S. Beliakov.
