Foto: Pexels.com
Omby qalasynyń soty garajynda bir tonnadan astam jartylai asyl tas — nefrit saqtaǵan Qazaqstan azamatyna qatysty úkim shyǵardy. «Kommersant» basylymy Omby oblysynyń prokýratýrasyna silteme jasap habarlaǵandai, qazaqstandyq 2016 jyly belgisiz satýshydan zańsyz jolmen óndirilgen nefrittiń úlken partiiasyn satyp alǵan, dep habarlaidy Ult.kz.
1200 kilogramm nefritti ol Reseidiń Irkýtsk qalasyndaǵy garajynda saqtaǵan.
2022 jyly ol nefritti Qazaqstanǵa alyp ótpek bolǵan kezde ustaldy. «Olhovka» shekaralyq beketinde onyń kóligin toqtatyp, qazaqstandyqqa qatysty qylmystyq is qozǵaldy. Reseide nefrit zańsyz ainalymy úshin qylmystyq jaýapkershilik qarastyrylǵan mineraldar tizimine kiredi. Bul tastardyń jalpy quny alty million rýblge (qazirgi baǵam boiynsha 29,7 mln teńgeden astam) baǵalanǵan.
Qazaqstandyq azamat tórt jylǵa deiin bas bostandyǵynan aiyrylýy múmkin edi. Alaida ol 500 myń rýbl (shamamen 2,5 mln teńge) aiyppulmen qutyldy.
