فوتو: Pexels.com
ومبى قالاسىنىڭ سوتى گاراجىندا بٸر توننادان استام جارتىلاي اسىل تاس — نەفريت ساقتاعان قازاقستان ازاماتىنا قاتىستى ٷكٸم شىعاردى. «كوممەرسانت» باسىلىمى ومبى وبلىسىنىڭ پروكۋراتۋراسىنا سٸلتەمە جاساپ حابارلاعانداي, قازاقستاندىق 2016 جىلى بەلگٸسٸز ساتۋشىدان زاڭسىز جولمەن ٶندٸرٸلگەن نەفريتتٸڭ ٷلكەن پارتيياسىن ساتىپ العان, دەپ حابارلايدى Ult.kz.
1200 كيلوگرامم نەفريتتٸ ول رەسەيدٸڭ يركۋتسك قالاسىنداعى گاراجىندا ساقتاعان.
2022 جىلى ول نەفريتتٸ قازاقستانعا الىپ ٶتپەك بولعان كەزدە ۇستالدى. «ولحوۆكا» شەكارالىق بەكەتٸندە ونىڭ كٶلٸگٸن توقتاتىپ, قازاقستاندىققا قاتىستى قىلمىستىق ٸس قوزعالدى. رەسەيدە نەفريت زاڭسىز اينالىمى ٷشٸن قىلمىستىق جاۋاپكەرشٸلٸك قاراستىرىلعان مينەرالدار تٸزٸمٸنە كٸرەدٸ. بۇل تاستاردىڭ جالپى قۇنى التى ميلليون رۋبلگە (قازٸرگٸ باعام بويىنشا 29,7 ملن تەڭگەدەن استام) باعالانعان.
قازاقستاندىق ازامات تٶرت جىلعا دەيٸن باس بوستاندىعىنان ايىرىلۋى مٷمكٸن ەدٸ. الايدا ول 500 مىڭ رۋبل (شامامەن 2,5 ملن تەڭگە) ايىپپۇلمەن قۇتىلدى.
