Abai atyndaǵy Qazaq Ulttyq pedagogikalyq ýniversitetinde «Qazaqstannyń úshinshi jańǵyrýy: Áiel. Qoǵam. Bilim jáne ǵylym» atty halyqaralyq simpoziým ótti. Shara aiasynda «Qazaqstandyq ǵalym áielder qoǵamy» atty birlestiktiń saltanatty ashylýy ótip, qoǵam múshelerine arnaiy kýálik tabys etildi.
Simpoziýmdabilim men ǵylymdy damytýdaǵy áiel ǵalymdardyń alar orny, tilderdi oqytý men úiretýdegi innovatsiiialar, Qazaqstan damýynyń zamanaýi kezeńindegi otbasy men otbasylyq qundylyqtar, qoǵamdyq qatynastardyń jahandanýy kontekstindegi adam quqyǵynyń damýy taqyryptarynda dóńgelek ústel ótkizip, búgingi ózekti taqyryptardy talqylady.
Simpoziýmǵa meditsina, filologiia, filosofiia, pedagogika, aýylsharýashylyǵy, til, jaratylystyq ǵylymdar salasynyń úzdik mamandary, elimizge tanymal ǵalymdar qatysty. Olar «Qazaqstandyq ǵalym áielder qoǵamyn» qurý arqyly elimizdegi 400 myńǵa jýyq ǵalym áielderdiń el ómirine, qoǵam tynysyna óz únderin jetkizip, kez kelgen ózekti máseleni keńirek talqylaýǵa, ózderiniń balama josparlary men oilaryn usynýdy kózdep otyrǵandaryn jetkizdi.
Tańat AIaPOVA, filologiia ǵylymdarynyń doktory, professor, «Qazaqstandyq ǵalym áielderi qoǵamy» birlestiginiń prezidenti:
– Ótken ǵasyrdyń toqsanynshy jyldarynyń basynda AQSh-qa baryp, biraz jyl ýniversitette sabaq berdim. Sonda olarda ǵalym áielderdiń birigýimen ashqan qoǵamdyq qorlary bar ekenin bildim. Olar ózderiniń qoǵamdyq birlestikteri arqyly jańa jobalar daiyndap, memlekettik iaki jekemenshik sektorlarǵa ózderiniń usynystaryn usynady. Qoǵamdaǵy túrli isterge óz oi-pikirlerin jetkizip, keibir memlekettik mańyzdy baǵdarlamalarǵa balamaly josparlaryn usynady eken. Sol qoǵamǵa men de múshe boldym. Olardyń erkindikterine, talapshyldyǵyna tánti bolǵan edim. Sodan beri Qazaqstanda osyndai qoǵam nege joq degen suraq meni mazalap júrgen. Mundai qoǵam Qyrǵyzstan men Ózbekstannyń ózinde bar ekenin jýyrda bildim. Olardyń jumys tájiribesin zerttep kórdim. El istegendi biz nege istemeimiz? Qazaqstanda 400 myńǵa jýyq ǵalym áiel bar eken. Olar mamandyqtary boiynsha ár salada jemisti eńbek etip júr. Olardyń ortaq uiymy bolǵany zaman talaby degen oidamyn.
Qazir qoǵamdyq birlestikter, uiymdar kóp. Demokratiialy eldiń negizgi tireýi – osy uiymdar men qorlar, birlestikter. Olardyń árqaisysy óz mindet-maqsatyna sai oidaǵydai jumys istese, qoǵam alǵa jyljidy.
Al bizdiń maqsat – qoǵamdyq ózekti taqyryptarǵa ǵalym áielderdiń únin jetkizý, olardyń pikirleri men ǵylymi tujyrymdaryn usyný. Aitalyq, qazir búgin úilenip, erteń ajyrasyp ketý qalypty jaǵdaiǵa ainaldy. Bundai úrdis qaidan keldi? Nege jetim balalar kóp? Nege otbasy qundylyǵy joiylyp barady? Qoǵamdyq formatsiia ózgergen tusta bizdiń dástúrli qundylyqtar toqyraýǵa ushyraǵany jasyryn emes. Biz ǵalymdardyń jii bas qosyp, konferentsiialar ótkizip, ózderiniń túigenderi men túsingenderin, zerttegen taqyryptaryn keńirek nasihattaýǵa tiispiz. Bizdiń qoǵamnyń atqarar jumysy óte kóp. Aldaǵy ýaqytta arnaiy baǵdarlamalar ázirlep, tiisti mekemelermen birlesip qyzmet atqaratyn bolamyz.
.jpeg)