22 aqpanda Almatyǵa bet alǵan FlyArystan ushaǵy Mýmbai áýejaiynyń ushý-qoný jolaǵynda Air India áýe kompaniiasynyń Airbus A319 ushaǵymen soqtyǵysyp qala jazdady, dep habarlaidy "Ult aqparat" Stan.kz aqparat agenttigine silteme jasap.
Buqaralyq aqparat quraldarynyń jazýynsha, qazaqstandyq ushaq ushý-qoný jolaǵyna kezekte turýy kerek bolatyn. Alaida pilot ushý jolaǵyn shatastyryp alǵan.
Bul ýaqytta Air India áýe kompaniiasynyń ushaǵy jyldamdyq ala bastaǵan. Alaida pilot FlyArystan bortynyń qozǵalysyn baiqap, jyldamdyǵyn kúrt báseńdetip, kókke kóterilmei, soqqtyǵystyń aldyn alǵan.
Úndistan aviatsiiasy oqiǵany tergeýdi bastady.
"FlyArystan kompaniiasy Chhatrapati Shivaji halyqaralyq áýejaiymen birlesip, oqiǵanyń mán-jaiyn anyqtaý jumystaryn júrgizýde", - delingen habarlamada.
