Qazaqstandyq eksporttaýshylardyń 3,2 mlrd teńge shyǵyny óteledi, dep habarlaidy "Ult aqparat".
QR Saýda jáne integratsiia ministrligi baspasóz qyzmetiniń málimetinshe, 2019 jylǵy 18 jeltoqsan kúni «QazIndustry» AQ-na óńdelgen taýarlardy eksporttaýshy sýbektilerdiń shyǵynyn óteýge qatysty 350 kompaniiadan 578 ótinim kelip túsken. Onyń ishinde 433 ótinim taýarlardy jetkizýge bailanysty shyǵyndar (taýarlardy temir, áýe, avtomobil, teńiz kólikterimen jetkizýge bailanysty jáne tasymaldaýdy uiymdastyrý boiynsha shyǵyndar), 145 ótinim taýarlardy ilgeriletý boiynsha túsip otyr.
Aita keterligi, otandyq óńdelgen taýarlardy ilgeriletý boiynsha indýstriialyq-innovatsiialyq qyzmet sýbektileri shyǵyndarynyń bir bóligin óteý qaǵidalaryna sáikes, olarǵa: shetelde taýarlardy jarnamalaýǵa jáne ilgeriletýge bailanysty shyǵyndar; qoimany ustaýǵa arnalǵan shyǵyndar; sheteldik naryqtarda taýarlardy tirkeýge jáne tehreglamentterge sáikestikke arnalǵan rásimderden ótýge bailanysty rásimderdi júrgizýge arnalǵan shyǵyndar jáne taǵy sol siiaqty shyǵyn túrleri jatady.
«Qaǵidalarǵa ózgerister engizilgennen keiin «QazIndustry» AQ-ǵa 336 ótinimder kelip tústi. 110 kompaniiadan jalpy somasy 3,2 mlrd tengeni quraityn ótinim maquldandy», - dep atap ótedi ministrlikten.
