Búgingi tańda qazaqstandyq diplomattar 731 QR azamatyna Ýkrainadan shyǵýǵa qolǵabys kórsetti. Onyń ishinde 662 adam Polshaǵa, qalǵandary Moldova, Rýmyniia, Majarstan men Slovakiiaǵa shyǵyp ketti.
Syrtqy ister ministrliginiń baspasóz qyzmeti taratqan aqparatqa qaraǵanda, biylǵy jyldyń 9 naýryzynda Nur-Sultan ýaqyty boiynsha saǵat 16:02-de Atyraý qalasynan Katovitse qalasyna (Polsha) 4-shi evakýatsiialyq ushaq ushyp shyqty. Buǵan deiin úsh repatriatsiialyq reispen Qazaqstanǵa 432 QR azamaty jetkizilgeni belgili.
«Qazirgi ýaqytta Katovitse qalasynda 165 qazaqstandyq bar. Ýkraina-Polsha shekarasyn kesip ótý kezeginde QR azamattary joq. Lvovtaǵy QR Qurmetti konsýldyqtyń janyndaǵy evakýatsiialyq jinaý ornynda 11 adam jinaldy, al Harkovta 7 otandasymyz qalyp otyr.
Ýkrainadaǵy QR Elshiliginiń aqparatyna sáikes, Mariýpol qalasyndaǵy QR azamattarynyń jalpy sany 18 adamdy quraidy. Elektr energiiasy men telefon júieleriniń úzilýine bailanysty búgingi tańda olarmen bailanys ornatý múmkinshilik joq. Sýmy qalasynda 2 Qazaqstan azamaty bar, olarmen turaqty bailanystamyz. Atalǵan azamattar gýmanitarlyq dálizder arqyly evakýatsiialanady dep kútilýde, atalǵan dálizderdiń ashylýy Resei men Ýkraina taraptarymen talqylanýda.
Kiev qalasyndaǵy jaǵdaidyń ushyǵýyna bailanysty qazaqstandyq diplomattar Lvov qalasyna ýaqytsha kóshirildi jáne olar QR azamattaryna kómek kórsetý jumystaryn shtattyq rejimde jalǵastyrýda.
QR diplomattarynyń kómegimen 57 qazaqstandyq aýyr júk kóliginiń 44-i Ýkraina aýmaǵynan shyqty, al qalǵan 13 avtokóliktiń júrgizýshilerine jan-jaqty kómek kórsetilýde», - delingen habarlamada.
