Videodan alynǵan kadr: YouTube/ALGA PETERBURG
Prezident Qasym-Jomart Toqaevtyń qolynan alǵys alǵan reseilik bloger Ivan Chervinskii Resei tólqujatynan bas tartyp, Qazaqstanǵa kóshýge daiyn. Bul týraly ol Qazaqstan halqy Assambleiasynyń sessiiasy kýlýarynda jýrnalisterge aitty, - dep habarlaidy Tengrinews.kz saity.
Chervinskiidiń aitýynsha, ol birneshe jyl buryn Dimash Qudaibergenniń shyǵarmashylyǵy áserinen elimizge qyzyǵýshylyq tanytqan. Sodan beri Ivan áleýmettik jelidegi kóptegen oqyrmanyna Dimash fenomeni, Qazaqstannyń mádenieti, elimizdiń basqa da talanttary jáne t.b. týraly aityp keledi. Sonymen qatar bloger ózin qazaqpyn dep sanaidy jáne bizdiń elge kóshýdi armandaidy.
"Meniń janym qazaq siiaqty. Qazaqstannan shyqqan ata-babalarym bolǵan shyǵar. Ákem - ýkrain, sheshem - orys. Múmkin, túbimde túrki tamyry bar shyǵar, - dep suraimyn. Anam bar deidi", - dedi Ivan jýrnalisterge.
