Qazaqstandyq bankter birlesken málimdeme jasady, dep habarlaidy "Ult aqparat".
Kaspi. kz, «Sberbank» EB AQ, Halyk Bank, N urbank, VTB Bank ( Qazaqstan), ForteBank, Jýsan Bank, AltynBank, Hoým Kredit Bank, Eýraziialyq bank, «Alfa-Bank Qazaqstan» EB AQ klientterine úndeý joldady.
Buǵan sebep - alaiaqtardyń bank klientterine shabýyl jasaýy taǵy da jiilep ketken.
«Munyń keń taralǵan birneshe ádisi bar.
Alaiaqtar:
- Qońyraý shalyp, ózin bank qyzmetkeri retinde tanystyrady. Kúdikti operatsiialar týraly aityp, klient shotynan aqsha aýdarýǵa qajetti málimetterdi alýǵa tyrysady. Mysaly, jeke kabinette qupiiasózdi aýystyrýdy, jańa qupiiasózdi jáne SMS-habarlama arqyly kelgen qupiia kodty aitýdy suraidy. Bul málimetter arqyly alaiaqtar klient shotyndaǵy aqshany aýdaryp, tipti onyń atyna aqshalai kredit rásimdeýi múmkin.
- Qońyraý shalyp, klient shotynan aqsha urlanýy qaýpi baryn, qarajatty jedel túrde «qosymsha shotqa», «saqtandyrý agentine», «saqtandyrý uiashyǵyna» t.b aýdarý keregin aitady. Ańyzdar ártúrli bolýy múmkin, bastysy – klient qarajatyn basqa shotqa aýdarýǵa kóndirý. Keibir jaǵdaida alaiaqtar arnaiy kompiýterlik baǵdarlamanyń kómegimen bank nómirinen qońyraý shalǵan bolady nemese uqsas nómirden qońyraý shalady.
- Poshta nemese messendjerlerge qaiyrymdylyq aktsiiasy, erekshe qarjylyq qyzmetter, júldeler utysy jáne t.b sharalar týraly aqparat taratady. Olarda jeke málimetterdi engizýge jáne banktik operatsiialardy jasaýǵa arnalǵan siltemeler bolady. Adam karta málimetterin engizgen sátte alaiaqtar aqsha sheship alady. Sondai-aq siltemede alaiaqtarǵa sizdiń qosymshańyzǵa kirýge múmkindik beretin virýstar bolýy múmkin.
- Qońyraý shalyp basqa bireýdiń sizdiń jeke kabinetińizge kirýge talpynyp jatqanyn aityp, qaýipsizdik úshin qosymsha júktep alýdy usynady. Mundai qosymshalar alaiaqtarǵa telefonyńyzǵa kirýge múmkindik beredi. Odan keiin sizdiń atyńyzdan qońyraý shalyp, qarjylyq operatsiialardy jasaýy múmkin.
Bankter óz klientteriniń senimin baǵalaidy. Jeke málimetter men elektrondy qarjy aýdarymdarynyń qaýipsizdigin joǵary deńgeide qamtamasyz etedi. Sondyqtan alaiaqtar qodanýshylardyń ózderin aldaý arqyly aqsha jymqyrýǵa tyrysady.
Este ustańyz, alaiaqtar adamdy úreilendirip, oilanyp, jaǵdaidy baǵamdap úlgerýge múmkindik bermei, qarajatyn jyldam alýǵa tyrysady. Úreilenbeńiz, muqiiat bolyńyz! Biz ziiankesterdiń áreketine tek birge qarsy tura alamyz» delingen málimdemede.
Bankter alaiaqtarǵa aldanbas úshin ne isteý keregin túsindirdi.
Eger sizge alaiaq qońyraý shalsa, ne isteý kerek?
Alaiaqpen sóilespeńiz. Tutqany qoiyńyz. Shottaǵy aqshańyzdyń ornynda ekenine kóz jetkizińiz. Suraqtaryńyz bolsa banktiń koll-ortalyǵyna qońyraý shalyńyz.
- Uialy qosymsha men internet-bankingtegi jeke kabinetińizdiń qupiiasózin;
- Karta rekvizitterin: nómeri, jaramdylyq merzimi, CVV/CVC-kod (kartanyń artqy bóligindegi úshtańbaly kod).
- Operatsiiany: tólem, aýdarym t.b rastaýǵa arnalǵan SMS-kodty eshkimge aitpańyz.
Bul derekterdi qońyraý shalǵan adam ózin bank qyzmetkeri dep tanystyrsa da, bank nómirine uqsas nómirden habarlassa da aitýǵa bolmaidy. Naǵyz bank qyzmetkeri mundai aqparatty suramaidy. Bul tek alaiaqtarǵa ǵana kerek.
- Tanys emes adamdar surasa, kez kelgen uialy qosymshany ornatpańyz.
- Habarlama tipti tanymal bank nemese kompaniia atynan kelse de. Siltemeni basqan soń kompiýterińizge ziiankes virýs kirýi múmkin. Ol alaiaqtarǵa sizdiń banktik shottaǵy qarajatyńyzdy urlaýǵa múmkindik beredi.
- Jeke málimetterińizdi suraityn anketelardy toltyrmańyz. Eger silteme arqyly ótseńiz, anketa, saýalnamany ashpańyz, ózińiz týraly aqparat qaldyrmańyz. Naǵyz aktsiialar men utys oiyndary týraly bilgińiz kelse bankterdiń resmi saittary men áleýmettik jelidegi paraqshalaryn oqyńyz.
