Foto:depositphotos.com
"Ulttyq qor - balalarǵa" baǵdarlamasy boiynsha óńirlerdegi balalar sany men olarǵa eseptelgen qarajat týraly statistika jariialandy, - dep habarlaidy Tengrinews.kz BJZQ málimetine silteme jasap.
BJZQ málimeti boiynsha, 695,5 million AQSh dollary 6 919 131 balaǵa (qosa alǵanda 01.01.2006 jyldan bastap 31.12.2023 jylǵa deiin týǵan balalarǵa) eseptelgen. Onyń 30,6 million AQSh dollarynan astamy baǵdarlamanyń 18 jasqa 2024 jyly tolatyn 304 815 qatysýshysynyń (qosa alǵanda 01.01.2006 jyly bastap 31.12.2006 jyly týǵan balalar) nysanaly jinaqtaý shottaryna eseptelgen.
enpf.kz
"Joǵaryda keltirilgen statistikalyq derekterden nysanaly talaptarǵa qatysýshy balalardyń eń kóp sany (922 841 balaǵa 92 763 977,32 AQSh dollary eseptelgen) Túrkistan oblysynda turatynyn kórýge bolady. Onyń ishinde 18 jasqa biyl olatyn 41 968 nysanaly jinaq alýshylardyń nysanaly jinaqtaý shottaryna 4 218 623,36 AQSh dollary eseptelgen", - delingen habarlamada.
Balalar sany boiynsha ekinshi orynda - Almaty qalasy (666 443 balaǵa 66 990 850,36 AQSh dollary eseptelgen), onyń ishinde 18 jasqa biyl tolatyn 26 621 nysanaly jinaq alýshynyń nysanaly jinaqtaý shottaryna 2 675 942,92 AQSh dollary eseptelgen.
Úshinshi orynda - Almaty oblysy (608 711 balaǵa 61 187 629,72 AQSh dollary eseptelgen). Onyń ishinde 18 jasqa biyl tolatyn 26 802 nysanaly jinaq alýshylardyń nysanaly jinaqtaý shottaryna 2 694 137,04 AQSh dollary esepteldi.
